Obramaestra

Negosyante sa Ozamiz, gidagit sa Lanao

2011-06-09T14:13:00.000-07:00

GIDAGIT sa wala maila nga mga armadong kalalakin-an ang usa ka negosyante sa Ozamiz City didto sa lalawigan sa Lanao del Norte sibo sa report nga gipagawas sa kapolisan niadtong Hunyo 8 sa may alas 2:00 ang takna sa hapon.

Sa migawas nga taho sa www.interaksiyon.com, gikutlo niini ang pahayag ni police inspector Roal Ortiz, chief of police sa Linamon, Lanao del Norte nga sibo sa pahayag sa mga saksi ang mga kidnappers sakay sa usa ka itom nga Tamaraw FX ang kalit lamang nga mibabag sa Toyota Fortuner ug gidagit sila si Alexander Lim, anak sa tag-iya sa DL Construction sa Ozamiz City, engineer Henry Alumbro ug driver Edgar Gomez.

Nahitabo ang maong insedente sa national highway sa Barangay Samburon sa nasangpit nga lungsod.

Mipadulong ang mga kidnappers sa Marawi City sa Lanao del Sur human nga gibilin sila si Gomez ug Alumbro sa Balo-I, Lanao del Norte.

Sa iyang kabahin, gipadayag ni Colonel Daniel Lucero, commander sa 103rd Infantry Brigade nga nakabase sa Kampo Ranao sa Marawi City nga ilang na recover ang gisunog nga Toyota Fortuner sa Timbangalan, Marawi.(NEPTALIE BATOLENIO)

Nganong mipilit ka sa hunahuna

2009-11-03T16:38:00.000-08:00

ni Neptalie Batolenio

Giurom ako sa imong panagway,
Sa dihang miduaw kini sa akong pagpahuway;
Naunsa ka ba intawon pinangga,
Nga dili ka man mawala sa hunahuna.

Panahon sa kaadlawon ako mahigmata,
Kon madumduman ko ang bakang mong paa;
Dungagan pa sa perfume mo nga nanimahong anghoy,
Maoy hinungdan nga atakihon ako sa hutoy.

Ang ngabil mong gabitay-galambi,
Sa kasingkasing kanako daw mangusi;
Ang budlat mong mga mata,
Nga daw flashlight nga nagsiga.

Ilong mong daw bukag,
Dalunggan mo nga gatangkag;
Dili gyud nako makalimtan,
Kay sa away sa silingan maoy hinungdan.

Ngano nga dili kaman gayud mahanaw,
Ngano nga mipilit kaman sa paghanduraw;
Unsa bay anaa kanimo nga bertud,
Ikaw ang hinungdan sa akong butod?

Ang kalapad sa imong agtang,
Sama sa airport ug pantalan;
Dili gyud nako mahimo nga kalimtan,
Gani sa dihang kalit kang nakit-an, ako hikuyapan.

Kurit sa kasingkasing

2008-06-14T17:21:00.000-07:00

NAGPAHIYOM ako nga nagtan-aw sa iyang hulagway sa computer. Anaa gihapon ang iyang kaanyag nga kaniadto akong gipaningkamutan nga maangkon. Nagpabilin gihapon ang katam-is sa iyang pahiyom!

Sa dihang nakita ko ang iyang litrato, wala ako makasabot. Tiaw mo kanang hapit na 12 ka tuig mi nga wala magkita. Daw adunay kuko nga mikusnit sa akong kasingkasing. Daw sa gibati ako og kalipay nga sa katapusan nakita ko ra gyud siya.

Dose ka tuig na nga mibiya ko sa amoa ug mianhi sa Ozamiz aron lagi manimpalad. Gani sa una kong pagtaak sa Ozamiz pipila ka adlaw niadto mihimo dayon ako og sulat ako dayon nga gipalupad padulong kaniya. Napuno sa paglaom ang akong sulat...napuno sa gugma. Nagpaabot ako sa iyang balos. Semana, bulan ug tuig. Wala man gyud.

Mao nga mipauli ko..bakasyon ba. Pero dili baya to bakasyon kay ang tuyo nako nga magkakita mi. Tuod man nagkita mi. Sama gihapon. Sweet kaayo siya og tinagdan nako. Unya miingon siya nga nakahimo na siya og balos sa akong sulat pero wala lang ma mail daw sa iyang mama.

Aw, mituo lang sad ko. Pero wala na nako siya pangutan-a unsay sulod sa iyang balos kay nasayod man gyud ko nga ang nakasulat niadto mga panghinaot sa akong kaayohan.

Nasayod sad ko nga dili gyud niya ibutang ang Your Love...kuan gyud ang iyang ibutang Your Friend.

Sa dihang mibalik na ko sa Ozamiz, wala na gyud ko mopadala og sulat niya. Wala sab ko mangluod kay wala man koy katungod nga mangluod. Kay kinsa ba gud ako sa iyang kinabuhi.

Sulod sa dose ka tuig dili ikalilong nga kanunay ako nga maghandom kaniya. Ang iyang kagiki ug katawa nga daw musika sa akong dalunggan akong kanunay nga gipangita.

Gani ako pang gi-search ang iyang ngalan sa internet basin diay makit-an nako. Pero wala gyud nako makit-i. Dili lang kay kausa ka beses nga akong gipangita sa Google. Pero wala na jud.

Mao to nga misulay ko sa friendster...sus..pakyas wala gihapon.

Apan niining bag-o ang iyang ig-agaw nakatan-aw sa akong friendster. Mao to nga ako dayon nga gi-open ang mga friends sa iyang cousin. Wala ko masayop. Alas! Duna sad siyay friendster account.

Puwerte nakong lipaya. Mao nga nakita nako ang iyang hulagway...wala gyuy kausaban. Apan adunay mga hulagway nga aduna siyay kauban nga usa ka lalaki. Ang iyang bana. Naminyo na diay siya. Bantog ra wala nakoy balita niya.

Mora ko og gilansang sa akong gilingkuran. Nagtutok sa computer nga blangko ang panan-aw.

Ang akong nasulti sa akong kaugalingon nga: "I'm happy for you."

Mao to...nga ako dayon siya nga gipadal-an og mensahe nga : "Remember me?" "Your friend."

Pero karon wala na jud siya mibalos. Bisan na lang gani sa pagtan-aw sa akong friendster account.

Karon wala nako maglaom nga maako ang iyang kaanyag.

Mipahiyom na lang ako ug miingon:" Maayo pa og wala nako makit-i imong friendster account da."

National Animal

2008-06-14T16:37:00.000-07:00

SA kadaghan na sa mga intriga ug mga anomaliya nga gibato sa gobiyerno karon daghan na ang mga tawo nga naa na sa kalibog karon. Misamot ka libog ang mga tawo labi na kay pastang mahala na sa kilo sa bugas karon.

Tiaw mo kanang maglinya sa mga NFA retail outlet aron lang makapalit og duha ka kilo nga bugas. Ngano miabot man ani nga punto nga maglinya na ang mga tawo? Timaan lamang kini nga hilabihan na gayud kalisod ang atong kahimtang karon.

Usa ka mag-uuma nga akong naestorya sumala pa niya nga ang hinungdan nga mahal ang bugas tungod kay mahal man sad ang abono nga ilang gigamit sa ilang basakan.

Speaking of abono misantop dayon sa akong hunahuna ang P728 M nga fertilizer fund scam ni Jocjoc Bolante nga giingon nga gigamit sa administrasyon panahon sa 2004 presidential elections.

Kay kon napalit pa gyud kadto og abono ug nahatag ngadto sa mga mag-uuma basin dili kita makasinati og food crisis.

Gawas ani nga scam daghan pa jud kaayo oi. ZTE NBN deal, Garci ug daghan pang uban. Usa lamang ang lintunganay nga punto niini. Daghan ang BUAYA sa atong gobiyerno...sa atong palibot.

Kon dunay buaya sa Malacanang, dako ang posibilidad nga naa sad na sa barangay, munisipyo ug kapitolyo. Naa gani BUAYA nga traffic enforcer. KAdto bang sige og pangilkil anang mga tigmaneho og sakyanan. Duna poy buaya nga polis. Kadto diay nagdawat sa mga sindikato og mga suborno.

Duna gani buaya nga maestra ug maestro. Kadto diay dili moahatag og dakong grado sa ilang mga tinun-an basta dili sad makahatag kanila sa ilang gipangayo. Duna gani taga-DepED. Kadtong dunay mga aplikante nga mga magtutudlo dili ibutang sa taas sa ranking kon dili makahatag og lechon ug uban pang pabor nga gipangayo.

Aw, of course duna say mga media nga otro pong BUAYA. Sige lang og pamomba konohay sa mga kahiwian sa usa ka politiko apan diay...sus...motak-om ang bagibian nga baba kon mapaslakan na og salapi. A---mora pud juke box...motabi na dayon unsay gusto sa nagpaslak.

Tungod kay bisan asa ta karon lingi...puwerti mang daghana sa mga BUAYA...dili kaha maayo nga ang atong National Animal o Pambansang Hayop nga Kalabaw...atong ilisdan og BUAYA!

Board member KJ ra kaayo?

2008-06-14T16:09:00.000-07:00

KON tan-awon sa uban daw KJ (kill joy) ra kayo si 2^nd District Misamis Occidental Board member Henry Oaminal sa iyang gipatuman nga polisa alang sa iyang mga scholars nga dili una magbaton og uyab (boyfriend o girlfriend) ug kadtong aduna nay uyab kinahanglan nga bulagan kini aron dili mahimong disturbo sa pag-eskuyla.

Gipadayag ni Oaminal nga tumong sa maong polisa nga dili masayang ang kahago ug ang salapi nga gigasto sa pagtungha sa mga scholar ilalom sa Kawsa sa Katawhan alang sa Kalambuan (KKK), usa ka pribadong kahugpungan diin nahisakop ang boardmember nga maoy nagpasayon sa iyang scholarship program.

Iyang gidugang nga ang maong lakang kabahin sa pagseguro nga makahuman sa ilang mga kurso ang 34 ka mga scholars nga gipatungha sa La Salle University ug Misamis University.

Gipasabot ni Oaminal nga kini usa ka paagi sa pagtabang ngadto sa mga estudyante nga mahimong mahulma pag-ayo ang ilang kaugmaon ilabina aron makatabang sa ilang mga ginikanan.

Saysay sa board member nga mga batan-on pa man usab hinungdan nga likayan lang una ang pagsulod sa natad sa gugma og i-focus na lamang ang matag kaugalingon ngadto sa pagtuon.

“Asa ra bitaw kanang uyab ug makahuman na sa kurso”, dugang ni Oaminal.

Gani usa sa mga scholars nga mihangyo nga taguon lang siya sa ngalan nga Angel ang gihanabi sa dxDD-AM mipadayag nga bisan ang dagway sa iyang uyab amgid ni Piolo Pascual iya na lamang kining bulagan bisan sakit alang kaniya tungod kay gusto siya nga makahuman sa iyang pagtungha pinaagi sa scholarship program ni Oaminal.

Gidugang ni Angel nga kon dili man gani makapaabot ang iyang uyab kaniya iya na lang kining pasagdan hinuon nagtuo siya nga daghan pang mga Piolo ug John Lloyd nga moabot sa iyang kinabuhi.

Iyang gisaysay nga dili sabton nga KJ si Oaminal hinuon nakasabot siya nga alang lamang kini sa ilang kaugmaon.

Ang 34 ka mga scholars mao ang nakapasar sa gipahigayon nga interview sa pag-ayag sa mga takos nga makasalmot sa nasangpit nga scholarship program.

Malampuson usab nga napahigayon ang orientation tali sa mga estudyante ug sa mga ginikanan.

Diin usab usab nga memorandum of Agreement ang pirmahan sa mga scholars ug ni Oaminal.

Modaghan kaha ang ani?

2008-04-30T08:03:00.000-07:00

Si City Agriculturist Rizalino Paglinawan, miingon nga modaghan ang ani kon ang itanom hybrid ug mayong abono.

Oo, motuo ako, ka yang mga agriculturist nahibalo man unsaon pagpadaghan sa produkto. Apan ako mangutana lang nga seguro kaha nga modaghan? Kay sa miaging tuig ba kadto, ang kadaghanan dinhi sa Misamis Occidental nagpalit og pila ka libo ka sako nga binhi sa mais nga hybrid didto sa Bukidnon apan kumusta man ang ani midaghan ba?

Wala modaghan. Kay ang kadaghanan sa mga mag-uuma (dili ang tanan) tusik tusik man lang or off and on to work, not constant to hold the bolo and the plow. Mao ang hinungdan nga wala modaghan ang ani, kay diyutay ra man ang nagtanom. Tingali ang uban nga binhi gibuhat nga ‘pop corn.’ Unsaon pagdaghan sa ani kon diyutay ra ang gitanom? That is the miracle.

Sa tinud-anay, ang nakanihit sa atong produkto, kay sobra ang bisyo menos ang trabaho. Ang atong baba kugihan man kay sa atong kamot. Kay ang atong kamot daghan mang panahon nga mopalta pagtrabaho. Apan ang atong baba dili man mopalta pagkaon: pamahaw, paniudto ug panihapon. Mao nga shortage kita sa atong pagkaon.

Kining atong nasod atong itandi sa Japan. Ang Japan adunay kadak-on nga 142,726 sq. meters ang atong nasod 115,810. Sa survey sa 1970 ba kadto ang Japan dunay pumuyo nga 98,660,000. Kita adunay 33,477,000. Ang Japan crowded kay kanato. Apan ang Japan wala mamalit sa ilang pagkaon. Hinuon sila pa ang namaligya sa gawas sa ilang pagkaon. Tungod ang doktrina sa Japan sa ilang panginabuhi mao man, industry and frugality.

Sa miaging gubat nag Japan dako kayo ang kadaot. Namayad pa sa mga nasod dinhi sa Silangan. Kita nabayran og 16 binlyones. U gang Japan diha nabuhii sa pagkontrol sa Amerika niadtong 1952. Apan ang history nag-asoy: “Japan since 1952 become the most prosperous nation in Asia.”—Reader’s Digest History page 776.

Apan kita, kanunay nga nagpalit og pagkaon didto sa gawas. Ang yuta sa Thailand ug sa ubang nasod nga didto kita magpalit sa atong pagkaon, unsa may kalainan sa atong yuta? Kon nabuhi man ang tanom didto sa ila, mabuhi man dinhi sa ato. Lamang ang doktrina sa panginabuhi dinhi sa ato mao man always playing than working. Mao nga kita gutom. Kay ang Diyos nag-ingon man nga, “sa singot sa imong nawong makakaon ka.” Genesis 5:19.

Niini ang atong punuan magpakabana na. Ngano nga kita naingon niini nga nagproblema sa atong pagkaon. Molihok dayon. Mangita og paagi samtang dili pa kayo grabe ang kagutom sa katwhan. Manghinaot kita.(Serg Santafe)

Dedication sa cathedral gipunsisukan

2008-04-10T19:30:00.000-07:00

NAGSUGWAK sa mabagang duot sa katawhan ug mga matouhon ang gipahigayon nga solemni nga dedikasyon sa bag-ong napaayo nga Cathedral sa Ozamis niadtong Abril 10 sa may alas otso sa buntag.

Ang maong kalihukan gisugdan sa may alas otso sa buntag ug natapos sa alas onse y media sa buntag.

Sa maong kasaulogan, gipahigayon usab ang paglubong sa relikyas sa tulo ka mga santos nga sila si sa altar nga bahin sa Cathedral.

Gitambuangan usab sa mga kaobispohan sa DIOPIM ang nasangpit nga kalihukan.

Midawat usab sila si Very Rev. Miguel Bernad, S.J.; Rev. Sister Regina Bernad, S.S.C.; Sister Violeta Navarro, MSOLTC ug Joe Manalastas, presidente sa Misamisnon USA og Holy Cross Pro Ecclesia et Pontifice.

Ang Holy Cross Pro Ecclesia et Pontifice usa ka award sa Roman Catholic Church nga kon hubaron sa English nga “For Church and Pope” nga naila usab nga “Cross of Honour.”

Ang maong medalya unang giestablisar ni Leo XIII niadtong Hulyo 17, 1888 alang sa paghandom sa iyang sacerdotal jubilee diin orihinal usab nga gihatag niadtong kababayen-an ug kalalakin-an nga nakatabang ug nakapasibaw sa jubilee ug sa ubang paagi nga nahimong nagmalampuson ang Vatican Exposition.

Sa kasamtangan ihatag kini niadtong naila nga nagserbisyo alang sa Simbahan nga mga layko ug kaparian.

Sa gipagawas nga pahibalo ni Arsobispo Jesus A. Dosado, CM, D.D. sa archdiocese sa Ozamis nga gipetsahan og Abril 4, 2008 nga ang maong award mao ang labing taas nga mahatag ngadto sa layko gikan sa Papa.

Sa maong medalya ang usa ka cross. Sa tunga sa cross usa ka gamay nga medalya nga adunay imahen ni Leo XIII, ang maong imahen gilibutan sa mga pulong nga LEO XIII P.M. ANNOX. Sa lignin nga naglibot sa emblema ang motto nga PRO DEO ET PONTIFICE kon alang sa Diyos ug sa Papa.

Sa luyo sa medalya, sa pipila ka bahin sa cross mao ang mga kometa diin ang fleurs-de-lis, nagporma sa coat sa mga kamot sa pamilya Pecci. Ang pulong nga PRIDIE ang gipatapot sa walang bahin niini.Pulong nga KAL ang sa ibabaw nga parte niini, JANUAR sa tuong bahin ug 1888 sa tiilan sa Cross. Ang ribbon sa medalya kolor purple nga adunay linya nga yellow ug puti.

Gidugang ni Archbishop Dosado nga adunay daghan nga takos hatagan og pasidungog apan gilimitahan lamang sa upat sa Presbyterium.

Kahinumduman nga nianang disperas sa maong dedikasyon gipahigayon ang usa ka cultural show sa GSK Family stage nga giulohan og ‘25 years in 25 minutes.’ Gatosan ka katawhan usab ang misaksi niini diin naglambigit sa ika 25 ka kasumaran o silver jubilee sa Archdiocese sa Ozamis.

Sulod sa 25 minutos gibalik lantaw ang 25 ka tuig nga kasaysayan sa Archdiocese sa Ozamis.

Sa maong pasundayag gipakita usab ang unang ebanghelisasyon sa Mindanao nga gihimo sa mga pari nga Jesuita sa tuig 1596 sa Butuan. Si Padre Jose Ducos, usa ka Jesuita ang mipili sa Misamis nga butangan og bantayanan o Cotta nga nahimo niadtong 1756. Ang Cotta nagsalipod sa mga matuohon sa kadagatan sa amihanang Mindanao ug ang barko ni Ducos nga ‘El Triunfo’ usa ka paghandom sa kadaugan sa mga kristiyanos. Ang Misamis niadtong tungora gipuy-an og mga maisog nga mga lumad nga andam manalipod sa Misamis gikan sa mga pirata.

Diin sa paglabay sa katuigan gikulitan ang bungbong sa Cotta og dibuho sa Nuestra Senora de la Immaculada y del Triunfo de la Cruz de Migpangi. Nga nilhan kini karon nga Birhen sa Cotta.

Sa paglabay sa panahon gidad-an ang kapilya sa Cotta og usa ka debulto sa Immaculada nga gikan sa Espanya.

Diin sa Enero 24, 1983 gihimo ang Ozamiz ngadto sa pagka-artsidiosi ug si Monsenyor Dosado ang gituboy sa pagka-arsobispo.

Kahinumduman nga saw ala pa ang dedikasyon adunay siyam ka adlaw nga kalihukan usab sa parokya sa Immaculada Conception.

Politika, layo pa gani

2008-01-25T07:19:00.000-08:00

DUHA ka tuig pa kapin sa dili pa ang 2010 presidential elections, apan karon klaro na nga kon si kinsa ang mga kandidato nga gustong motugpo sa ilang kalo ngadto sa arena sa politika alang sa pagka-presidente.

Sumala pa sa uban nga maayo nang sayo aron makapanukad nang daan—hinayhinay na og kamas ang mga presidentiables.

Naa na sila Senate Presidente Manny Villar, Senador Mar Roxas, Loren Legarda, Chiz Escudero.

Gani si Legarda sa iyang pagbisita niadtong nakalabay nga semana sa Tangub City mipadayag naman nga modagan siya pagka-presidente hinuon dunay kondisyon basta kanunay siya nga mag-una sa survey.

Si senador Ping Lacson sad bisan og nakasuway na og mumo sa nakalabay nga pagpapili pagka-pangulo dili gihapon motagam, aw basin diay og suwertehon na niining higayona.

Karong bag-o miluaw sad ang ngalan ni Vice-president Noli de Castro nga mora og nanayming pa ug sa sabong pa sa manok nagpabalaw. Hinuon gamay na lang gud puy kulang usa ka tikang nalang pud nang iya. Unya misalga pod sila si Senador Richard Gordon, MMDA Chairman Bayani Fernando, Makati Mayor Jejomar Binay ug Defense Secretary Gilbert Teodoro.

Dayon samot nga mora og makalibog sa dihang mipakita og tinguha si napalagpot nga Presidente Joseph Estrada nga modagan sa baron daw mahiusa ang oposisyon. Unsa? Napalagpot ni siya tungod sa pagpanurakot diin nakombikto kini.

Kon buot hunahunaon, di na kinahanglang hiusaon pa ang oposisyon aron makadaog karong 2010.

Pulos mga oposisyon ang mamuntos tungod sa mga isyo batok kang Presidente Arroyo.

Apan ang kataw-anan kay misalga man sad si kanhi Presidente Fidel Ramos kay kon moadagan si Erap aw iya pud kining atbangan. Unsaaaaa? Wala mo kuyapi?

Klaro man sa Konstitusiyon nga ang mga nahimong presidente wala namay re-election ambot ba nganong mamugos man gyud.

Sa mga ngalan nga milutaw wala pa gyuy gitawag nga ‘presidential timber’ kana bang dakong torso nga dili gyud mapiog. Kon kini sila managan aw…nindot gyud ang kombate. Kini sila tanan mga ‘presidential toothpick’ pa lang.

‘Isumbong mo kay chief’ o I-textmate mo si chief’

2008-01-03T04:57:00.000-08:00

NADISMAYA ang hepe sa kapolisan sa Ozamiz City sa mga texters nga gustong makipag-text mate ginamit ang ilang text-hot line.

Nasayran nga gilusad sa kapolisan ang text hot line nga 0928-999-6644 nga ilang gitawag nga ‘Isumbong mo kay Chief’ aron nga dali nga makataho sa kapolisan ang katawhan sa Ozamiz may kalambigitan sa mga nagkadaiyang kremin nga namatikdan.

Inay nga ‘Isumbong mo kay Chief’ daw sa gisabot kini sa uban nga ‘I-textmate mo si chief’.
Gipadayag ni Police chief inspector Wilbur Salaguste, hepe sa kapolisan niining siyudad nga daghan ang magsinamok sa ilang text hot line nga mga tawong walay laing mahimo nga makig-textmate kanila.

Gisaysay ni Salaguste nga makalangan sa ilang mga gimbuhaton ang pagsige og sinamok sa mga mo-text kanila nga igo lamang nga magbinuang.

Gisaysay ni Salaguste na bisan pa man nga makalagot ang maong mga hitabo apan padayon gihapon nga bukas ang maong text hot line.

Gidugang ni Salaguste nga mahimo nga i-text ngadto sa maong hot line ang gusto nga maaksiyonan gilayon nga mga kremin.

Gumikan niini nanawagan ang hepe ngadto sa mga tawo nga walay mahimo sa ilang kinabuhi nga likayan ang pagsinamok aron dili malangan ang ilang mga gimbuhaton.(NAB)

Kon walay kuwarta

2007-10-28T07:20:00.000-07:00

KUWARTA. Daghan ang nanginahanglan niini.

Ang tawo gani nga dunay daghang kuwarta sabton kini nga siya gamhanan. Mapalit man niya ang tanan niya nga magustohan ug ang gusto niya nga kan-on iya usab kini nga mapalit.

Basta aduna kay kuwarta mahimong ang uban mohapa ug mosimba kanimo. Daghan sad dayon ang kanunay nga magyampungad kanimo basta aduna kalay kuwarta.

Kon kuwartahan ka gani kalit nga modaghan ang imong mga higala ug mga paryente. Bisan kinsa molingi ug motimbaya kanimo. Basta masayod lang sila nga kuwartahan ka mahimo ka nga tinahod sa uban.

Sama gud sa mga politiko basta dunay kuwarta segurado na ang kadaogan.

Daghan ang magpatay tungod sa kuwarta. Gani ang uban manulis, mangawat, mopatay aron lang makakuwarta. Kon ato nga timbangtibangon daghan ang mga kadaot nga gidulot tungod lang sa kuwarta.

Kining tanan nasibo sa giingon sa Bibliya sa 1 Tim. 6:10 “ Kay ang pagkamahigumaon sa salapi maoy tinubdan sa tanang pagkadaotan. May mga tawo nga tungod sa kadako sa ilang tinguha nga masapian, nahimulag nahinuon sa pagtuo ug nahiagom sa daghang kasal-anan.”

Mao nga labing maayo na lang unta kadto og wala imbentoha ang kuwarta aron walay kadaotan nga daghan nga mahitabo. Kinsa man diay gaimbento aning kuwarta? Kon nasayod pa lang tingali ang tawo nga gahimo sa kuwarta nga mahimo kining tinubdan sa kadaotan wala na tingali niya kini mugnaa.

Sa akong panukiduki wala koy nakuha nga ngalan sa tawo nga posibleng maoy nag-imbento sa kuwarta.

Sibo sa kasaykasayan niadtong 1200BC sa usa ka dapit nga karon naila nga Southern Algeria bisan karon natabunan na kini sa tubig namatikdan nga sibo sa mga sinulat nga nakulit sa mga bato nga ang 12 ka ‘shekels’ ang gisulod ngadto sa usa ka bank account sa usa ka Algar Hammurabi isip bayad sa paggamit sa iyang anak babaye.

Karong panahuna ang 12 ka ‘shekels’ makabyad na og gatosan ka mga ‘boring’ (mga babayeng namaligya sa daklit nga kalipay) nga labing guwapa pa sa anak ni Hammurabi nga usa ka bugo.

Sa wala pa mamugna ang kuwarta ang gihimo kaniadto mao ang barter. Buot ipasabot nga bayloay. Pananglitan ang imong kamote bayloan og isda. Ang iyang bingka bayloan og budbud.

Kay kon wala pay kuwarta hangtod karon ang namalit niadtong eleksiyon maglisod gyud og pas-an sa ilang mga produkto. Ang mahitabo ang imong boto bayloan og duha ka bukag nga lobi, kamote, saging ug uban pa. Dali ra sad nato nga mailhan nga kana nga kandidato adunay plano nga mamalit og boto kay magpas-an man gyud siya og binukag nga mga saging, kapayas ug uban pa nga ibaylo sa boto sa mga tawo.

Pero pait sad kaayo kon wala pa maimbento ang kuwarta kay kon mopalit ka og brief o Tback sa Gaizano magpas-an ka og lobi o saging. Pastilang paita no! Luoy kaayo ang mahimong cashier sa mga tindahan kay daghan man gyud kaayo ang tinapok nga mga butang nga binaylo sa ilang baligya.

Ang kuwarta makaayo man gyud basta ayohon lang sad nato og gamit. Matikdi ang giingon sa Bibliya nga ang pagkamahigugmaon sa salapi….So dili ang salapi kon dili ang pagkamahigugmaon sa salapi mao ang gamot sa pagkadaotan.

Kon buhi pa ang nagbuhat sa kuwarta dili ba kaha siya magmahay?

Pagpili og punoan

2007-10-18T15:44:00.000-07:00

MAtod pa, “rain or shine” madayon gyod ang eleksiyon sa barangay. Ang atong katungdanan nga mga botante ang pagpili kinsa ang himuon nga pangulo o kapitan sa atong barangay. Sugdan na nato karon paghunahuna kinsa ang maayo sa atong barangay.

Dili kita mopili kay compare apan walay kalaki. Pilion usab kay higala walay nada. Pilion kadtong dunay igong katakos nga modumala sa barangay. Dili kadtong magpalumaluma apan dili antigo-matod pa sa sultihon sa Bol-anon.

Naa man goy magpapili tungod sa garbo apan walay sulod ang ulo. Nagsalig kay puno ang bulsa. Unya kon mopili, kitang katawhan maapil sa kaulaw. Kay moingon man ang silingan nga barangay: “Siyaro wala na gyoy mapili nga arang-arang nianang ilang kapitan?”

“An army of stags led by a lion is better than an army of lions led by a stag,” matod pa. Busa kon daghan ang liyon sa atong barangay, dili gyod maayong pillion ang usa. Unsay kahimuan sa usa (stag) diha sa panon sa mga liyon?

Duna man guy kulang ang sulod ang ulo apan puno ang bolsa, mokandidato kay gigamhan sa garbo. Ang resulta kon modaog man, ang barangay mahisama sa sakayan nga usahay tino nga distinasyon kay madisilya-demano tungod ka yang kapitan walay kaugalingon nga desisyon. Pulos man lang dawat sa mga tambag kay wala may hanaw.

Sa mga kagawad usab. Ayohon nato pagpili kanang adunay kalidad, dili ang kantidad. Nasinati ako sa ubang barangay sa miaging eleksiyon sa barangay. May midaog pagkakagawad kay namalit og boto.

Ang mga botante usab nasayod man unta sa kalidad sa maong kandidato. Apan kay gipalit lang og tag P10.00 ang ilang boto ug midaog. Ug komusta man diha sa konseho? Nagtak-om lang kanunay ang baba mora sa kinhason nga toway. Hionaot nga dili na kini mahitabo karong moabot nga eleksiyon. Hinaot ug hinaot gyod unta. Salamat.(Serg Santafe)

Komentarista gipusil, kritikal

2007-10-08T15:42:00.000-07:00

ILIGAN City - Talandugon ang kahimtang sa usa ka komentarista sa radyo human gipusil sa wala mailang lalaki kagahapon sa buntag duol sa usa ka tunghaan ning siyudad.

Ang biktima mao si Jose "Joe" Pantoja, hingkod ang panuigon ug blocktime commentator sa dxLS "Love Radio" FM.

Ang inisyal nga imbestigasiyon sa kapolisan nagbutyag nga nahitabo ang pagpamusil nga alas 7:10 sa buntag.

Sa wala pa ang pagpamusil gikan naghatod sa iyang anak sa tunghaan ang biktima sakay sa iyang motorsiklo. Sa pagbalik ni Pantoja nihunong kini sa usa ka copying center duol sa Mindanao State University-Iligan Institute of Technology (MSU-IIT) sa Tibanga highway aron magpakopya og mga dokumento.

Usa ka armadong lalaki nga naka-bonnet ang niduol sa biktima og nipusil kaniya makatulo ka higayon gamit ang kalibre .45.
Samad sa tuong kilid ug sa tiyan nga bahin ang naangkon sa biktima.

Dali nga nisibat ang suspetsado ug nisakay sa naghulat nga motorsiklo nga gimaneho sa laing naka-bonnet nga lalaki.
Samtang dali usab nga gidala sa Mindanao Sanitarium and Hospital mga 200 metros lang gikan sa nahitaboan ug anaa kini sa kritikal nga kahimtang sulod sa intensive care unit.

Dili pa matino ang motibo sa maong pagpamusil apan dako ang posiblidad nga may kalambigitan kini sa iyang trabaho human kini nakadawat og ubay-ubay na ka mga hulga pinaagi sa text messages.

Gilauman ni Mayor Lawrence Cruz ug sa mga kadagkuan ning dakbayan nga mahatagan og daling kasulbaran ang maong hitabo tungod kay adunay naka-instalar nga surviellance camera didto sa nasangpit nga lugar nga posibling maoy makahatag og giya kung kinsa ang responsabli sa maong hitabo.

Samtang gimando sa hepe sa Police Regional Office (PRO) 10 nga hatagan og igong seguridad ang sakop sa prensa nga giluthang sa dakbayan sa Iligan samtang nagpabilin kini sa tambalanan.
Lakip sa gimando ni Chief Supt. Teodorico Capuyan, Police Regional Director sa PRO-10 ang hugot nga imbestigasyon sa maong hitabo.

Subay niini gipaguwardiyahan na sa mga polis ang tambalanan diin gidala si Pantoja aron maseguro nga dili kini tiwasan sa mga suspetsado.

Dili pa lang dugay gibutyag ni Capuyan nga usa sa gihingusgan sa bag-ong PNP Director mao ang dali nga pagsulbad sa extra judicial killings nga nahitabo partikular na sa mga sakop sa prensa nga nangabiktima.

Nagkauban pa gyud mi ani niya sa usa ka seminar adtong Sabado sa Iligan. Pastilan lagi ning kinabuhi aning naka-media oi.

Kon Akoy Kapitan

2007-10-04T06:56:00.000-07:00

(Note: Kini nga obra iya kini sa usa ka Serg Santafe nga nagpangidaron na og duolan sa 80 anyos kanhi usa ka magsusulat sa Bisaya Magazine nga taga-Ozamiz, mao kini ang iyang pangandoy sa kinabuhi aron daw makatabang sa katawhan.)

KARON kay nagsingabot na ang eleksiyon sa barangay, kini ang atong tema karon. Kon ako pay kapitan, ang barangay mouswag ingon man ang katawhan. Mao kana ang tinuod bisan pa og pustaan. Pangandak no?

Apan yuna pa. Ikaw higalang magbabasa moingon ka tingali nga ako wala gani makapauswag sa akong kaugalingon ang pagpauswag na ba sa barangay ug katawahan?

Oo, akseptahon ko kana nga opinion. Apan hibaloi nga ang gihatag sa Dios nga talento sa magsusulat mao lamang ang ‘power of thinking, dili man power of doing.’ Unsa man kahimoan sa thinking kon walay doing?

Duna usay giingon nga, “Plan what you do and do what you plan.” Nga kini kon dili mag-uban walay kahimoan. Ug ako niay daghang plan apan wala may do, unsa may mahimo?

Ako lagi unta dugay ra nga naghunahuna nga mokandidato og kapitan kay akong ipabuhat sa mga tawo ang akong mga plano. Ako man nga gihunahuna nga walay makuha nga isda kon walay paon ang taga. Unsaon man nako pagdaog nga ako wala may ikapamalit og boto? Kataw-an lang ako sa guwatsinanggo nga pugapo?

Mao kini ang akong plano kon akoy kapitan. Ang mga tawo akong patamnon og saging, kamote, talong, pinya ug kamoteng kahoy. Ang gamay nga luna, 20 ka punoan nga saging, usa ka libo nga talong, usa ka libo nga kamote ug 200 nga pinya. Ang dakog luna, 50 ngadto sa 100 ka saging, 2000 ka libo nga talong, 2000 nga kamote ug 500 ka pinya. Kini dako nang tabang pagpauswag sa panginabuhi.

Kada pasko ripahon ang tanang mag-uuma. Dako nga primyo. Ang among suweldo kuhaan og ipremyo pun-an sa akong pangayoon sa mga opisyal sa dakbayan. Niini ang katawhan magkugi gayod. Kay doble man ang ilang paabuton. Ang produkto sa ilang tanom u gang dakong premyo.

Lain pa sa mangga bisan tag napulo lang ka punoan. Kini ang akong ihatag nga insentibo sa katawhan. Kay ang mangga kon dagko na sa lubi ang punoan, bisan unsa pay kuhaon nga kurso sa mga anak makagasto na.

Kini unta ang akong plataporma. Apan lagi ang botante adto man tan-aw sa numero sa kuwarta, dili man sa plataporma. Labot pa ang tawo adto man mutuo sa ila nang nakita, dili man sa wala pa makita. Tinuod man ang giingon ni Longfellow: “We judge ourselves by what we feel capable of doing, while others judge us what we have already done.”

"Mga Bogoo!"

2007-10-02T16:21:00.000-07:00

Anonymous said...
shabu moy probelma diri dili sex scandal...mga bogoo!!!!!!
Fri Sep 28, 06:40:00 PM 2007

Kini ang comment sa usa ka wala magpaila sa akong blog niadtong Agosto 28 pa nga nagulohan og “Tungod sa internet scandal sa Ozamiz adunay mantika nga tulog ang nakamata”.

Ang iyang comment bag-o lang gyud kay adto pa mang Setiyembre 28. Ganahan man gyud ta nga dunay mo-comment sa atong blog. Pero wala ko magdahom sa iyang comment gumikan kay gitawag man ko niya nga ‘bogo’. Alang nako nga tawgon ko niya nga bogo okay lang pero dili tingali maayo nga imong i-angin ang akong mga amigo nga mi-comment usab sa maong blog.(Titov, Batang Buotan ug Jun Antiola).

Hinuon katungod man nimo kana kon mao na ang imong opinion pero katungod sad tinglai nako nga depensahan ang akong mga silingan nga mi-comment dili baya na sila bogo.

Gani sumala pa sa giingon sa Balaang Kasulatan nga ang tanan nga linalang sa Diyos pulos mga maayo. Ug sa dihang nagtungha pa ko sa education didto sa MSU miingon gyud kanunay ang akong professor nga walay bogo nga tawo. Naa nooy slow learner ug fast learner. Sumala pa sa akong professor: “Why used bad words in fact there are so many beautiful words under the sun”.

As media practitioner makadaghan na sad ko makatambong og mga seminar ilabina mahitungod sa Peace kon kalinaw. Isip peace advocate dili ko mobalos nimo Anonymous apan ako lang ipasabot kanimo nga dili maayo nga motawag ka og bogo sa usa ka tawo ilabina nga dakong insulto kini sa Labaw nga Makagagahom nga maoy naghimo sa maong tawo.

Sayod ko nimo Anonymous nga taas gyud ka og educational attainment tungod kay mihingalan gud ka namo nga mga bogo sa ato pa labing utukan ka kon itandi sa akong mga silingan o mga higala nga mi-comment usab sa maong blog.

Gusto ko lang usa nga ikaw nga masayod nga nahibalo ako nga ang shabu problema dili lamang sa Ozamiz apan halos sa bisan asa nga suok sa kalibutan. Sa pikas bahin ang sex scandal suliran usab kana siya nga mahimong mosanga pa og daghan nga mga porblema kon dili usab maksiyonan. Manghinaot ko nga nasabtan nimo kining bogo sa pagpasabot.

Kamingaw

2007-09-27T22:44:00.000-07:00

KAMINGAW! Pulong nga lisod nimo tugkaron ilabina kon ikaw ang mibati niini. Ang kamingaw mahitabo kon ang usa ka tawo nga imong gimahal tua na sa layo og dugay mo na siya nga wala makita. Gani dunay uban nga tungod sa kamingaw moingon nga daw sa mabuang na sila.

Ang kamingaw hinuon matambalan sumala pa sa uban. Tinuod kana ilabina kon makita na nimo ang tawo nga imong gikamingawan.

Nasulat ko kini kay aduna akoy tawo nga gikamingawan. Gani sa dihang mingawon na ako daw sa hilapon ang akong kasingkasing, daw sa adunay mga gagmitoy nga mga kulamoy nga mikusi sa akong duha nga dili na lang gani nako mamatikdan nga naglumba na sa pagpangambak ang luha sa akong mga mata.

Ang pagtambal sa kamingaw daghang paagi. Mahimo nga imong tawagan sa telepono o sa text ba kaha siya o padal-an og sulat. Ang uban magtipig og larawan sa ilang minahal o dili ba kaha ang sinina nga wala malabhi nga nagpabilin ang baho sa maong tawo maoy ilang simhoton kon mokablit na ang kulamoy sa kamingaw.

Ang kamingaw nga akong gibati dili matambalan nianang tanan nga mga pamaagi. Ilabina nga ang akong gikamingawan atua na sa lilo sa kamatayon. Magsud-ong man ako sa ilang mga larawan apan mosamot lamang sa paglumba og pangatagak ang luha sa akong mga mata. Ang akong amahan ug inahan wala na. Tua na sila sa mabugnaw nga lubnganan. Silang duha sa diyang gikasal nag-ingon nga "Till death do us part," apan bisan ang kamatayon wwala makabulag kanila kay nagkuyog man gyud sila hangtud sa kamatayon.

Dili ko malimot nga sa dihang gipatay sila didto sa Jolo sa mga wala mailhing tawo makita nako ang ilang gugma sa usag-usa. Tungod kay ang akong amahan naggakos gihapon sa akong inahan diin silang duha pulos wala nay mga kinabuhi.

Sa ilang pagpanaw gibinlan nila ako og usa ka dakong responsabilidad nga daw yugo nga gisangon sa akong liog. Isip kinamagulangan nga anak ako ang ikaduhang inahan ug amahan sa akong walo ka mga igsoon.

Dunay mga panahon nga makapangutana ako nganong nahitabo pa kini. Gani usahay bation ko nga daw dili na nako makaya ang tanan. Usahay makamata na lang ko nga nabasa na ang akong unlan sa mga luha nga bisan sa akong katulogon nabalon ko ang kamingaw ug kaguol sa ilang pagpanaw.

Kon nasayod pa lamang unta ako nga sayo sila nga mawala kanako ako na lang unta nga gihurot ang akong higayon nga makanunay ko sila sa pagkauban. Apan kinsay nasayod? Ulahi na ang tanan. Mao ang ang kamingaw dili man gyud malikayan hinungdan nga ang akong hunahunaon kadto na lamang higayon nga malipayon kami nga nag-uban sa akong mga ginikanan.

Unta nasulti ko nila ang mga pulong nga gimahal ko sila. Alang niadtong ang inyong minahal anaa pa sa inyong kiliran buhata ang angay buhaton ug isulti ang angay isulti ngadto kanila.

Katapulan, kagutom ug ang pato

2007-09-26T01:26:00.000-07:00

MOTAN-AW kita sa atong palibot karon daghan sa atong mga igsoon ang gigutom. Daghan ang gitawag nga grassroots of the community. Ang kapobrehon man gud sagad atong ibasol dayon ngadto sa mga namunuan kay lagi gikorakot ang kuwarta alang sa ilang mga personal nga interes.

Daghan nga atong makita nga mokalit lang og panguhit kanato sa daplin sa dalan, sa simbahan ug bisan asa kay mangayo o magkilimos. Kon tan-awon nato kini nga punto mora og mabasol nato ang gobiyerno apan kon atong tugkaron pag-ayo ang mabasol nato niini mao ang katapulan sa usa ka tawo.

Duna bitaw giingon kaniadto ni John F. Kennedy nga dili nato paabuton unsa ang mahimo sa gobiyerno alang kanato kon dili unsay atong mahimo alang sa gobiyerno. Ipasabot nga dili nato nga kanunay nga iyangongo sa gobiyerno ang atong mga gikinahanglan. Mao nga daghan ang gigutom tungod sa katapulan sa tawo. Alang sa mga tapulan mosulay kita og paniid sa hulmigas nga bisan wala silay kapatas o mga amo apan naningkamot sila alang sa pagpangita ug pagkaon sa ting-init aron duna silay makaon panahon sa ting-ulan. Sama unta usab niana ang buhaton sa mga tapulan dili kay magsige lamang og katulog.

Tuod basin mangutana kamo ngano man nga dunay pato nga nabutang sa ulohan niining akong obra karon. Kini man gud maykalambigitan sa giingon sa uban nga iampo na lang nato sa Ginuo ang tanan aron kita tabangan. Dili sad kana mahimo kay sumala pa lihok tawo kay tabangan ko ikaw.

Ay balik ta sa pato. Si Juan lagi kay hilabihan katapulan uban sa iyang dose ka tapulan sad nga mga anak gadagko lang ang lawas wala nay makaon. Mao nga ang gihimo ni Juan iyang gitawag ang iyang mga anak nga mag-ampo na lamang sila sa Ginuo aron tabangan sila.

"Mga anak maggunitay kita sa atong mga kamot ug mangayo kita og pagkaon sa Ginuo," awhag ni Juan sa iyang mga anak.

Mao kadto nga miampo dayon si Juan uban ang iyang mga anak nga nagpiyong dungan sa pagsinggit ngadto sa Ginuo. "Ginuo! gutom na kaayo mi tagai mi og pagkaon!"

Sa dihang nakadungog ang Ginuo iyang gisugo ang usa sa iyang mga anghel kadtong pinakalabong gyud og pako aron dali nga makaabot sa nahimutangan ni Juan.

"Anghel adtua si Juan nga gigutom na kaayo ingna nga gisugo teka," sugo sa Ginuo.

Wala maglangan ang anghel miadto siya sa nahimutangan ni Juan. Iyang naabtan si Juan uban sa dose ka mga anak niini nga nagpiyong nga nagpunay gihapon og panawag og panabang sa Ginuo mao nga iyang gikuhit ang ilong ni Juan.

"Juan gisugo ko sa Ginuo."

Dali nga gibuka ni Juan ang iyang mata ug nakurat sa iyang nakita ang anghel sa iyang atubangan.

"Mga anak bukha ang inyong mga mata, tabangi ko ninyo diay dako kaayong pato pagkaon nani ato ning tabangan og himolbol," singgit ni Juan dayon layog sa anghel.

Gumikan sa kagutom man gud pato na ang panglantaw ni Juan sa anghel.

Kamo na lay tapos unsay nahitabo sa anghel ha.

Niwang vs Tambok

2007-09-25T15:30:00.000-07:00

DAGHAN ang nag-ingon nga basta niwang ka dunay parte sa imong lawas nga dako. Ug kon tambok sad ka dunay parte sa imong lawas nga mogamay.

Ang akong gitumong mao ang mahitungod ni 'Manoy'. Mogamay daw si Manoy kon motambok kana dayon kon niwang mas dako si Manoy.

Sa akong pagbisita sa blog ni Batang Buotan nga iyang gihisgutan ang mahitungod sa sex sense niya daghan ang mipadayag sa ilang mga reaksiyon. Gani duna pay miingon nga maayo gyud diay ang niwang kay dagko. Oppss dili tanan tingali sa mga niwang ang dagko sad duna pud tingali nga gagmay sama pud sa tambok.

Misulay ko og pangutana niini sa akong kauban sa trabaho ug ang iyang tubag nga tinuod nga sa niwang lahi ra itandi sa tambok apan dili man ang gidak-on ang imporatante kon dili giunsa nimo kini paghimo.

Dunay kaso sa Misamis Occidental nga ang asawa nakigbulag sa iyang bana dili tungod kay gigamyan siya apan tungod kay gidak-an ra siya. Miabot gtyud kini sa korte. Gani sa ilang hearing iyang gireklamo nga ang kadako sa Manoy sa iyang bana ang nahimo na niya nga problema tungod kay dili na siya satisfied niini kon dili masakitan na siya niini. Gani nga nahimo pang komedya nga ang kaso unta nga gipasaka sa asawa mao ang illegal possesion of deadly weapon.

Alang niadtong mamili og dako beware. Makadot ang bisan unsang butang nga kulang. Ang sobra sad hinuon ka gamay sumala pa dili makatagbaw.

Misulay ko og bisita sa website ni Dr. Margie Holmes diin nakakuha ko og mga maayong tubag. Sumala pa nga ang gidak-on o ang gigamyon dili mao ang hinungdan sa tinuod nga kalipay ug katagbawan. Sumala pa niya. Size does not matter its how you do it.

Mag-unsa man ang dako og dili pud kabalo. Heheheh...

Pero alang niadtong niwang nga gusto nga manambok aduna koy tip nga ihatag ninyo kay kaniadto niwang baya pud ko.

Gani sunlogon ko kaniadto nga wati na lang ang wala kapirma o mora ko'g bitok nga giinat. Ang sekreto aron nga motambok o makabaton ka og saktong lawas nga dili niwang o tambok anaa ra gyud sa imong pagdisiplina sa kaugalingon.

Sakto nga tulog ug saktong kaon ug ehersisyo.

Alang kanako lahi ang akong gibuhat aron nga nasulbad nako ang akong kaniwang kaniadto. 'Baho'g itlog ko kada buntag'. Mao na ang tinuod baho'g itlog kada buntag, kadapamahaw.

Kanang imong itlog este itlog sa manok imo na nga imalasado og ibahog kada-pamahaw kon dili nimo kaya puwede sad kanang boiled egg. Kay sugad nga ako kanang gibuhat migana ang akong kaon bisan wala koy sud-an sa paniudto ug sa panihapon. Testingi lang...Basta 'BAHO'G ITLOG!

Mabugnaw nga kalayo?

2007-09-24T15:37:00.000-07:00

Tinuod kaha kini o tungod nasad ni sa photoshop?

Tinuod kaha nga ang usa ka macho nga boxer miyembro diay sa federation....?

At least kuno nagpakatutoo lang daw siya....

Pagminyo na, tiguwang kana!

2007-09-24T06:00:00.000-07:00

NAKAHUNAHUNA ko og sulat niini sa dihang nabasa nako sa blog ni Batang Buotan ang mahitungod sa pag-awhag sa iyang mga amigo nga paminyoon na kini. Nagtuo ko nga ako ra ang daw sa nabungol na sa maong awhag. Maayo gani tong iyaha nga ingon lang siya nga "Kanus-a ka ba magminyo?" Ang ako kay aduna may pakapin "Pagminyo na, tiguwang kana!" usahay dungagan pa gyud "Na mabiyaan ka gyud sa tren," "Dili gyud ka kakita sa imong liwat."

Bation ba nako nga gisunhan naman tingali sila sa akong dagway nga usa ko ka ulitawo. Mao nga mitan-aw ko sa samin dili pa baya pud ko tingulang nga ingnon ko nila nga paminyoon na. Usahay gamiton na lang nako ang tubag sa uban nga "May man og lumba nang kaminyoon."

Apan ang maong tubag daw nagbilin baya pod og gamay nga kusi sa akong kasingkasing nga makaingon ko sa akong kaugalingon nga basin tinuod ang ilang giingon.

Sa makadaghan na nako kini nga madungog gikan sa mga hamtong nga ang kaminyoon dili sama sa kan-on nga imong gihungit ug sa dihang nainitan ka mahimo nimo kini nga iluwa. Sa pagktinuod ang kaminyuon giplano kana tungod kay kaugmaon ang nakataya niini. Adunay daghan nga batan-on pa nga nagminyo apan nagkaletse-letse ang pamuyo. Hinuon dili tanan apan kadaghanan. Kana ang hinungdan sa dili maayo nga pagkaplano sa pamilya.

Kon magminyo man ako dili tungod kay nabungol nako sa daghan na nga awhag sa akong mga higala ug mga kaila. Apan magminyo ako tungod kay gusto nako--tungod kay nahigugma ko sa babaye nga takos sa akong pagmahal nga mahimong akong asawa hangtud sa kahangturan.

Ang dinalidali nga pagminyo man ugod sama ba sa usa ka pagpanglaba nga gidali-dali nga wala maayong pagkakuso nga miresulta nga makita lang gihapon ang buling. Apan ko maayo nga pagkakuso ug pagkalatag ang resulta klaro ang kaputi ug ang kahinlo.

Daghan usab ang mga rason ngano nga ang uban wala magdali-dali ngadto sa kaminyuon dili kay nahadlok sa responsabilidad apan tingali aduna pay misyon nga gituman. Sama kanako dili mahimong magminyo ko nga dili nako maplastar ang akong mga igsuon nga nagsalig kanako. Tungod lagi kay sayo kami nga gibiyaan sa among mga ginikanan sa dihang giganoy sila sa kamatayon.

Isip kinamagulangan nga anak sa siyam ka managsuon ania kanako ang bug-at nga responsiblidad. Hinungdan nga palabihon ko una sila nga makabaton og maayong ugma kay sa akong kalipay.

Isakripisyo ko ang akong kaugalingon nga kalipay tungod nila. Lisod nga magmugna ko og pamilya apan nagbilin ako og mga nagun-ob nga kaugmaon nga gisangon kanako sa mipanaw na nga mga ginikanan.

Samtang ang tinuod nga gugma usab makapaabot kana kanako. "True love waits".

I'm the 93%

2007-09-22T03:09:00.000-07:00

Ako ni nga nadawat sa akong email add gi-forward ra pud ni sa akong usa sa mga higala...ako ni nga gibutang sa blog aron sad nga makapaambit ko sa kanindot sa mensahe niini...

There was a little boy visiting his grandparents on their farm. He was given a slingshot to play with out in the woods. He practiced in the woods; but he could never hit the target. Getting a little discouraged, he headed back for dinner.
As he was walking back he saw Grandma's pet duck. Just out of impulse, he let the slingshot fly, hit the duck square in the head and killed it. He was shocked and grieved! In a panic, he hid the dead duck in the wood pile; only to see his sister watching! Sally had seen it all, but she said nothing After lunch the next day Grandma said, "Sally, let's wash the dishes" But
Sally said, "Grandma, Johnny told me he wanted to help in the kitchen." Then she whispered to him, "Remember the duck?" So Johnny did the dishes. Later that day, Grandpa asked if the children wanted to go fishing andGrandma said, "I'm sorry but I need Sally to help make supper."
Sally just smiled and said, "Well that's all right because Johnny told me he wanted to help" She whispered again, "Remember the duck?" So Sally went fishing and Johnny stayed to help.
After several days of Johnny doing both his chores and Sally's; he finally couldn't stand it any longer.
He came to Grandma and confessed that he had killed the duck. Grandma knelt down, gave him a hug and said,"Sweetheart, I know. You see, I was standing at the window and I saw the whole thing, but because I loveyou, I forgave you. I was just wondering how long you would let Sally make a slave of you."
Thought for the day and every day thereafter?
Whatever is in your past, whatever you have done... and the devil keeps throwing it up in your face (lying, cheating, debt, fear, bad habits, hatred, anger, bitterness, etc.)...whatever it is...You need to know thatGod was standing at the window and He saw the whole thing. He has seen your whole life. He wants you to know that He loves you and that you are forgiven.
He's just wondering how long you will let the devil make a slave of you.
The great thing about God is that when you ask forforgiveness; He not only forgives you, but He forgets. It is by God's grace and mercy that we are saved.
Go ahead and make the difference in someone's lifetoday. Share this with a friend and always remember:
God is at the window!
When Jesus died on the cross; he was thinking of you!
If you are one of the 93 % who will stand up for himforward this with the title, "I'm in the 93%"
Would you believe 7% of people won't forward this?

KATAWA SA TA BE!

2007-09-13T07:39:00.000-07:00

SA nakalabay nga mga adlaw halos seryoso kayo ang mga panghitabo. Busa mosulay kuno kita og katawa. Basta katawa gyud kay kon pugngan seguradong mogawas ang hangin nga walay buot agi sa imong sampot.

GUSTO SAB KA ANI
Laki: Kuhaon ko ang mga bitoon og ihatag ko kanimo.
Babae: Saba diha! wa man gali ka kakuha anang kugmo gatambisay sa imong
ilong...
Laki: AW! sorry day ha..wala man gud ko nasayod nga gusto sad ka ani.....

FAMILY QUARREL:
Husband : Pastilan sige ta ug away; magbuwag ta!
Wife : Sige! Ato bahinon atong anak!
Husband: Ako ang gwapo ug gwapa!
Wife : Nah! Gipili pa gyod ang dili iya!

PANAWAGAN SA RADIO :
Mrs : Sir, pwede ko manawag sa akong bana sa radyo, gidala among lima
ka anak
Announcer: Go ahead, Mrs.
Mrs : Hoy, amaw! I-uli ang mga bata! Usa ra imo ana! Bagag nawong!

MOPULI
Empleyado : Boss, namatay diay atong manager, pwede ba ako nalang
mopuli sa iyang pwesto ?
Boss : Pwede man, pero ambot kaha ug mosugot ang funeraria .

UNA LANG MO
Donya : Kay bag-o man ka dinhi, gusto ko masayod ka nga ang pamahaw diri
alas sais impunto!
Maid : Way problema Nyora! Kung tulog pa ko anang orasa, una nalang mo
ug ka-on!!

BAGA OG NAWONG
Pasyente: Dok, ngano gasakit man akong dughan kada inom nako ug coke?
Pero kung libre, dili lagi mosakit?
Doktor : Ah, kabalo nako ana. Nipis imong baga, pero baga imong nawong.

PROMIL VS EMPERADOR USER
In a private school:
Teacher: Lolly, nganong brayt man ka?
Lolly: Promil user from 6 months until now.
Teacher: I see and you Chikai? Nganong bugo man ka?
Chikai: Emperador user mam, isang tagay sa tagumpay!

LIKAY SA CHOLESTEROL
Apo: Lo, nganong gakaang-kaang man ka maglakaw?
Lolo: Ingon man gud sa akong doktor na likayan kuno nako ang itlog kay
taas ug cholesterol.

Gugma na ba kini?

2007-09-11T01:47:00.000-07:00

Unsa bay anaa sa imong mga gakos,
Nga dili ko man kini mahimong kalimtan?
Daw mas tamis pa sa putyokang dugos,
Unsa bay bertud niini nga sa hunahuna anaa ka man?

Unsa bay gahom niianang imong pahiyom,
Nga sa katulogon giganoy mo ako?
Sa akong pagmata wala na ako mahinumdom,
Nganong ania na ako sa usa ka paraiso?

Unsa ba kanang gipasimhot mo kanakong ammonia,
Nga kanunay akong mangandoy sa imong katahom?
Daw puya akong nalingaw sa imong mga hagwa,
Unsa bay gihimo mo kanako?

Unsa ba nga ilimnon ang gipainom mo kanako,
Nga dagway mo lamang ang nakita sa akong kahubog?
Sa matagtungang gabii nga ako nagabakho,
Nganong ngabil mo kanako makapaskog?

Nagpabilin ka nga usa ka misteryo kanako,
Nagpaabot ako sa tubag, Kinsa ka ba?
Wala ako makasabot sa imong kihat-tando,
Kinsa kaba? Ikaw ba ang giingon nila nga gugma?

Wala lagi maayong resulta ang inom

2007-09-07T19:26:00.000-07:00

SAPANGDALAGA, MisOc—Subling napamatud-an na usab ang natala sa Balaang Kasulatan nga walay mayong idulot ang sobrang pag-inom sa ilimnong makahubog human nga napatay sa usa ka amahan ang iyang kaugalingon nga anak gumikan sa kahubog.

Sibo sa natala sa Isaias 5:22 nga nagkanayon nga “Alaot kamong mga hawod sa inom ug dili mosibog kon hagiton og inom.”

Gikasohan og parricide ang amahan nga midungab sa iyang gikainom nga 19 anyos nga anak.

Human nga mahuwasi sa kahubog ang amahan bisan sangko sa langit ang iyang pagbasol apan dili na niya mapabalik pag-usab ang kinabuhi sa iyang anak nga siya mismo ang mikutlo niini tungod sa ispiritu sa ilimnong makahubog.

Ang suspetsadong amahan mao si Celso Mag-usara, 55 anyos ang pangidaron u gang biktimang anak niini mao si Wilson.

Sibo sa imbestigasyon sa kapolisan nasayran nga nagkig-inom ang anak ngadto sa iyang amahan hangtod nga nangabuyong na sila sa kahubog nga misangko sa panaglalis saw ala usab masayri nga hinungdan.

Labing miinit ang ilang panaglalis nga daw nalimot na sila nga amahan ug anak. Mikuha ang amahan og kutsilyo ug gidunggab ang anak sa ibabaw nga bahin sa iyang tiyan nga miresulta saw ala damhang kamatayon niini.

Human sa hitabo midagan ang suspetsado og mitahan sa iyang kauglingon ngadto nila ni Barangay Kagawad Conchita Villadar ug Barangay Kapitan Andres Pagasian sa Barangay Dasa sakop sa nahisgutang lungsod.

Ang maong mga barangay opisyal maoy mihatod sa suspetsado ngadto sa mga sakop sa kapolisan.

Hinuon wala pa masayri kon ang suspetsadong amahan kon mounding na ba sa pag-inom sa ilimnong makahubog.

Election layo pa? Katungod o pribilihiyo!

2007-09-03T23:32:00.000-07:00

Ang uban moingon nga layo pa ang presidential elections kay tiaw mo kanang 2010 pa gud kini. Apan alang sa mga politiko duol na kini. Gani atong mamatikdan nga niining panahuna mao kini ang ilang gitawag nga positioning. Kadaghanan nga mga lakang sa mga politiko sa pagkakaron nangandam sa dakong bugnong lugaynon. Sama bas a usa ka sundalo nga nangandam sa usa ka dakong gubat. Aron nga modaog sa gubat kinahanglan nga abante ka nga makaandam aron dili maalkansi sa pag-abot sa maong adlaw.

Mouyon kita ug sa dili inanay na nga nabati ang malanog nga trumpa sa kampanya. Sa bisan asang pundok, sa bisan asang ang-ang sa katilingban ug sa bisan haing suok sa nasod, politika na ang gihisgotan. Si kinsa ang mga kandidato, sa asa nga partido, si kinsa ang magpasubli ug si kinsa ang mga bag-ong nawong nga mitugpo sa ilang kalo sa politikanhong arena?

Usa kini ka positibong tilimad-on sa nagatubo nga politikanhong kahimatngon sa katawhan diha sa paghashas ug pagpili sa kandidato nga tukma ug haom sa usa ka posisyon. Ug dili lang diha kutob kon dili kaakuhan sa pumipili ang pagsiguro nga matinud-anon ug may moral nga kamandoan ang ilang ituboy ug ipahimutang sa usa ka posisyon.

Ang pulong kamatinud-anon diha sa politikanhong konteksto wala lamang nakasang-at sa abaga sa mga kandidato kon dili lakip na usab sa mga botante o pumipili. Dinhi kasagaran maligas ang kahigayunan pag-angkon sa usa ka tinuod nga panggobyerno kansang gahom anaa gayud sa mga tawo. Kon nakapili man kita og presidente, governor, mayor o bisan si kinsang opisyal nga gipahimutang sa pwesto sa gobyerno, kana tungod sa dili matinud-anon natong pagpili.

Mahimong makonsiderahan ang sayop nga pagpalingkod sa usa ka kurakot nga presidente o senador, tungod kay kita wala gayud kaayo makasinati kanila. Gani, kadaghanan niini ato man lamang nahimamat panahon sa kampanya. Apan kon kita makapili og gobernador o kaha mayor nga dili unta angay sa maong posisyon, dili sipyat ang tawag niana, nga human sa tanan, moingon lang dayon ta AY! MALI. Ang tawag niana pagdinanghag o pagpasagad sa atong katungod. Labing siguro, may nagkadaiyang sukdanan ang matag usa kanato diha sa pagpili. May moingon nga siya ang akong pilion tungod sa utang kabubut-on. Tungod kay siya nakatabang og dako sa among pamilya. Tungod kay siya akong kumare o kumpadre. Tungod kay siya isog. Tungod kay siya dagha’g kwarta ug tungod kay siya bantugan o sikat.

Kini nga mga sukdanan maoy hinungdan kon nganong nagpabilin ug mas midaghan pa ang kurakot natong mga opisyal sa gobyerno. Ikaw nga pumipili, malipay ka ba kon ang usa ka kandidato moingon nga sigurado ko’ng daug kay paliton ko ang imo o ang inyong botos? Sigurado kong daug kay daghan ko’g tawo nga magamit nga mohulga kanimo kon dili ka mosuporta sa akong kandidatura? Kon ingon niana ang mopatigbabaw, nan, makaingon kita nga ang pagbotar dili usa ka katungod kon dili pribelihiyo sa mga tawo nga magpagamit sa salapi ug impluwensya.

Sa ingon nga hulagway, ang election dili na usa ka sagradong kalihokan diha sa pagpili og mga ligdong nga modala sa renda sa pangagamhanan, kon dili usa na ka negosyo. Ikaw nga usa ka ginikanan, malipay ka ba nga i-negosyo ang imong katungod sa pagpili diin ang gihimong puhonan mao ang kaugmaon sa imong mga anak, sa imong mga apo ug sa mosunod pa nga henerasyon?

Dili pa tingali ingon niana kadunot ang panghunahuna natong mga Pilipino.
Ang mga batan-on nasayod nga kon unsa man ang ilang gikulit sa kasaysayan kini sarang ikapasigarbo isip dakong tampo sa pagpalambo ug pagpalig-on sa atong demokrasya. Kon nahimo mang kaulawon ang kagahapon, tinguhaon ta nga mahimong dalaygon ang karon nga takos ikapasigarbo sa ugma o sa umaabot.

Tungod sa internet scandal sa Ozamiz dunay mantika nga tulog nakamata

2007-08-28T06:47:00.000-07:00

MORAG matika nga natulog, nakamata ang kadagkuan sa siyudad lakip na ang mga sakop sa City Council sa Ozamiz human nga gihatagan og 'kinse ka adlaw ang tanan nga mga internet café sa Ozamiz City sa pagbungkag sa ilang gipahimutangan nga mga cubicle ug mga private rooms'.

Kini ang nakalatid sa gipagawas nga executive order 008-07 nga ni Ozamiz City Mayor Reynaldo Parojinog, Sr., nga nagtumong sa regulatory measures aron nga mapatuman ang kaayohan sa katawhan.

Ang maong gipakanog nga executive order sa mayor migawas human unang gidala sa kahanginan pinaagi sa media ilabina sa dxDD-AM ang may kalambigitan nga nahimong sex scandal sa duha ka mga tinun-an sa kolehiyong tunghaan sa usa ka internet café.

Sa executive order gilatid niini nga kinahanglan nga bungkagon ang mga pribadong lawak sa mga internet café human mamatikdi nga adunay daghan nga nagbaton niini.

Nasayran nga kadaghanan usab sa mga kostumer sa mga internet café sa siyudad mga minor de edad nga dali ra nga maimpluwensiyahan sa nagkadaiyang impormasyon ilabina may kalambigitan sa mga pornographic live shows ug salida nga nagpadayag sa malay-aw nga mga buhat.

Gisaysay usab niini nga kon dili kini malihok dako kini og ikadulot nga kadaot ilabina sa mga batan-on.

Gisaysay usab sa mayor nga kon dili motuman ang kinsa man nga mga internet café owners mahimong i-revoke ang ilang mga business permit.

Nasayran nga gumikan sa walay quorum gumikan kay naulahi ang pipila ka mga konsehal sa pagsaka sa session hall hinungdan nga gi-adjourn kini ni Vice-mayor Carlos Patricio Bernad apan ang mga sakop sa City Council didto na ang tanan nagtapok sa buhatan ni Mayor Projinog human mopatawag kini og usa ka press conference. Ang wala makatambong niini sila lamang si Councilors Fortunato Saquin, Atty. Ma. Constancia Lim, Dr. Tony Caballero ug June Francisco sa Sangguniang Kabataan.Buot pasabot ani nga wala ko makayawyaw ngadto sa hawanan sa konseho kay usa man unta ako sa mga bisita to shade light sa sex scandal. (basin sunod next scandal napud...)

Si Mecaros ang mibasa sa executive order ni Parojinog uban sa pagsaksi sa mga sakop sa City Council sa pagpanguna ni Bernad.

Ang sa executive order number 008-07 nga gipakanog sa mayor unod niadto ang way pinihig nga pag-awhag sa tanang internet café sa Ozamiz sa pagdili pagtaud og mga pribadong dapit sulod sa internet café nga magbunga unya og mga malaw-ay nga mga buhat diin apektado ang social, moral ug spiritual nga aspeto sa mga kabatan-onan nga mohimo niini.

Sa pamahayag ni Parojinog atol sa press conference iyang gikasubo ang padayong gikasibotan sa katawhan ang internet chatting sa mga internet café nga bisan adlaw’ng Dominggo, inay nga didto moadto sa mga simbahan, ato-a na man hinoon nanagtapok sa mga internet café.
Gani sumala pa sa mayor nga ang internet, sagad niini gihimo nang panginabuhian sa katawhan nga bisan gani ang mga minyo, misalmot na sa maong kahimoan.

Sa iyang kabahin gipaklaro ni Bernad nga mayo ang pagbaton sa internet cafe gani nakatabang pa ang maong komunikasyon sa pas pas nga paghatud og mga nagkadaiyang matang sa pagpadala domestic man o international apan giabusohan ang maong kaayuhan hinungdan nga wala usab siya’y duha duha nga mosuporta sa executive order nga gipakanaog sa hepe ehekutibo uban ang pagmugna og konkretong ordinansa nga mosuporta sa naasoy nga executive order aron sa tumong ug tuyo nga malikayan ang mga malaw-ay nga buhat sulod sa mga internet café.

Hugtanon usab nga giawhag ni Bernad ang mainiton nga pag-ayuda sa local media sa Ozamiz aron motabang pagmonitor sa nasangpit nga buhat.

Lakip unya nga masulod sa planong mugnaon nga ordinansa mao ang pagdili sa mga tinun-an sa elementarya ug sekondarya nga makasulod sa mga internet café oras sa tingklase.

Human sa press conference uban sa mga sakop sa media, kapolisan, ug mga sakop sa City council gipangunayan ni Parojinog ang temporaryo nga pagsira pinaagi sa pagpahimutang og karatula sa Fielcom internet café diin mao ang dapit nga namugna ang sex scandal.

Gisuroy usab ang duolan sa 50 ka mga internet café ug gihatagan sa kopya sa executive order aron mapahimangnuan nga tangtangon ang mga cubicle ug mga private rooms.

Bato-bato sa langit ang tamaan ay bukol!

Sinakit nga Kasingkasing

2007-08-25T05:28:00.000-07:00

Hingpit mong gipatuo ang linghod kong kaisipan,
Imong gipatuo sa nagtakuban mong kabuotan;
Ug matuman ang tanan mong pangandoy nga imong gustong angkunon,
Didto sa baybayon gitagay ta ang dugos sa tumang kamalipayon.

Saksi niadto ang mga balod sa lapyahan,
Kay buot moambit sa kalipay ta nga gisaluhan;
Apan ang tanan nahimo lamang damgo ug daman,
Kay sa pagmata ko pa nahanaw ka niining kiliran.

Human mo madimdim ang katam-is sa akong tanaman,
Tapos mo mawataswatas ang piyuras sa akong pagkabulak, sa hilabihan;
Kalit kang mibiya, unsa bay hinungdan?

Pagkatam-is sa imong saad ug panumpa,
Inubanan pa gani sa mga luha;
Apan antuson ko na lamang ang tanan,
Kay mao may badlis sa akong kapalaran.

Dughang samaran puno sa kagul-anan,
Mga matang luhaan wala nay kadangpan,
Kasingkasing samaran naghambin sa tumang kagul-anan,
Karon daw malaksi ug magisi ang akong dughan.

Scandal, unsa may labot nako?

2007-08-23T19:56:00.001-07:00

NADAWAT na nako ang usa ka resolution gikan sa Ozamiz City Council mao ang resolution no. 273-07 nga nag-imbetar kanako sa pagtambong sa ilang regular session karong Agosto 28 sa may alas nuebe sa buntag aron sa pagpatin-aw sa hilisgutanan may kalambigitan sa sec scandal nga nahitabo.

Human man gud mahatag ni Kung Seng ngari kanako ang video sa maong sex scandal sa duha ka mga batan-on ako kini nga gidala sa kahanginan sa radyo sa akong programa nga Isyu 657 sa dxDD-AM. Tuod man miani kini og mga rekasiyon gikan sa mga tigpaminaw ug sa pipila ka mga callers.

Naalarma ang city council sa maong scandal tungod kay aduna na man diay unang resolution ang city council nga adunay inspection nga himuon sa mga internet café sa Ozamiz nga pagtan-aw niadtong adunay mga private rooms ug mga cubicle nga diin sagad mamugna ang mga panghitabo nga dili angay nga mahitabo.

Gituyo nako nga gidala sa kahanginan ang maong hiatbo dili aron nga pakaulawan ang mga batan-on nga nagtagay sa kalipay sulod sa maong internet café kon dili aron masayod ang mga ginikanan ug ubang katawhan nga nagkahitabo kini sa madanlog nga kalibutan.

Ang duha ka mga batan-on nga nag-dimdim sa katam-is sa ilang kinawatkawat nga kalipay mga biktima lamang usab sila sa gubot nga dagan sa panghitabo sa kalibutan nga naglakip sa pagkawala sa moralidad.

Ang ako lamang gusto nga molihok unta ang tanan mahitunghod niini nga isyu ilabina ang mga ginakanan nga mahimong mabinantayon sa ilang mga anak, ang awtoridad nga motuman sa ilang mga tahas ug ang simbahan usab.

Unsa may ilang gihimo niini nga problema? Kini nga panghitabo dili naman unta kini bag-o tungod kay daghan naman kini. Tingali tungod klay akong gidala sa kahanginan hinungdan nga naalarma usab sila ug nahadlok sila nga birahan sa taga-media.

Ang pangutana. Unsa may labot nako sa ilang session nga ila man ako nga ipatawag to shade light sa scandal? O kon nganong wala sila katuman sa ilang mga tahas?

Nalimot tingali sila nga ako dili usa ka opisyal sa gobiyerno. Ang akong isulti unya ngadto atubangan sa konseho mao ra man usab ang akong nasulti na sa radyo. Tingali ang mahitabo niini mora ra pud ko og ga-programa sa radyo didto sa hawanan sa konseho.

Dili unta mi mahago kon sa akong programa ang tanan nga konsehal naminaw na lang unta sila ug mitawag sa telepono ug misugyot og mga pamaagi sa pagsulbad sa maong hitabo nga dili na kini masulbad.

Hinuon, isip nagbakabana nga lungsuranon dili nako balibaran ang ilang hangyo nga moapil ko sa session…apan dili usab sila tingali makadiktar kanako kon unsa unya ang akong isulti..

Unsa man in aid og legislation? Unya nganong karon pa?

Bato-bato sa langit ang tamaan ay bukol!

Diary of an Unborn Child

2007-08-20T02:08:00.000-07:00

by Watchtower Bible and Tract Society

(Ako ni nga gibutang basin diay makatabang ni nga makonsensiya kadtong nagplano sa pagpakuha ug kadtong nagpakuha na)

October 5

Today my life began. My parents do not know it yet, I am as small as a seed of an apple, but it is I already. And I am to be a girl. I shall have blond hair and blue eyes. Just about everything is settled though, even the fact that I shall love flowers.

October 19

Some say that I am not a real person yet, that only my mother exists. But I am a real person, just as a small crumb of bread is yet truly bread. My mother is. And I am.

October 23

My mouth is just beginning to open now. Just think, in a year or so I shall be laughing and later talking. I know what my first word will be: MAMA.

October 25

My heart began to beat today all by itself. From now on it shall gently beat for the rest of my life without ever stopping to rest! And after many years it will tire. It will stop, and then I shall die.

November 2

I am growing a bit every day. My arms and legs are beginning to take shape. But I have to wait a long time yet before those little legs will raise me to my mother’s arms, before these little arms will be able to gather flowers and embrace my father.

November 12

Tiny fingers are beginning to form on my hands. Funny how small they are! I’ll be able to stroke my mother’s hair with them.

November 20

It wasn’t until today that the doctor told mom that I am living here under her heart. Oh, how happy she must be! Are you happy, mom?

November 25

My mom and dad are probably thinking about a name for me. But they don’t even know that I am a little girl. I want to be called Kathy. I am getting so big already.

December 10

My hair is growing. It is smooth and bright and shiny. I wonder what kind of hair mom has.

December 13

I am just about able to see. It is dark around me. When mom brings me into the world it will be full of sunshine and flowers. But what I want more than anything is to see my mom. How do you look, mom?

December 24

I wonder if mom hears the whispering of my heart? Some children come into the world a little sick. But my heart is strong and healthy. It beats so evenly: tup-tup,tup-tup. You’ll have a healthy little daughter, mom!

December 28

Today my mother killed me.

(Diary of an Unborn Child is an anonymously-written article which was first published by the Watch Tower Bible and Tract Society in the May 22, 1980 issue of its Awake! magazine. Written in the first person, it is formatted to read as the "diary" of a fetus, chronicling the process of fetal development from an in-utero perspective, beginning with conception on October 5 and ending in an induced abortion on December 28. The piece is intended to make readers reconsider their position on the morality of abortion.)

Dear Kuya

2007-08-20T01:44:00.000-07:00

(Kini maoy sulat nga gipadala kanako sa usa ka tigpaminaw sa akong programa sa radyo...mahimo sad nga mohatag mo og tambag niya...)

Everdearest Kuya Nep,

Sa dili ko pa iasoy kining mapait nga kasaysayan sa akong kinabuhi mahitungod sa giingon nilang gugma tuguti una ako nga mangayo kanimo og katahuran ilabina sa libo ka libong tigpaminawan niining imong tulumanon.

Tagua lang ako kuya sa ngalang Beatrice nga nagpuyo sa usa sa mga lungsod sa Zambaoanga del Sur. Kining akong kasinatian mahitungod kini sa lalaki nga akong gimahal pag-ayo tagua lamang siya kuya sa ngalan nga Ricky.

High school pa lamang ako kaniadto nga nahimo kong hinigugma si Ricky hangtud nga pag-abot namo sa kolihiyo. Pila may sugilanon kuya sa pagpanglabay sa panahon nakahuman ako sa kursong sa pagkamaestra apan wala ako makatudlo gumikan kay wala man usab ako mo take og teachers board examination. Samtang si Ricky Kuya nakasulod gyud isip sakop sa military. Usa ka sundawo si Ricky kuya.

Sa sinugdan supak ang akong mga ginikanan sa among relasyon ni Ricky lagi kay usa man kini ka sundalo. Kay sumala pa sa akong inahan kuya palakiro lagi kining mga sundalo.

Apan bisan pa man sa pagbabag ug paghigpit sa akong mga ginikanan amo gyud nga gipatigbabaw ang among pagminahalay…gani magkita kami ni Ricky sa kinawatkawat nga paagi.

Nanglabay ang mga adlaw nga nahimong mga semana ug ang mga semana nga nahimong mga bulan ug ang mga bulan nahimong mga tuig nakahukom kami nga magpakasal ni Ricky. Sa sinugdan misupak ang akong inahan apan igo na lamang siyang mitando ug misuporta human nga iyang masayri nga aduna nay kinabuhi nga nagpitik sa akong sabakan.

Matawag ko nga malipayon ang among pagpuyo ni Ricky gumikan kay responsabli ug buotan man siya nga bana. Gani sa matag lakaw niya kuya dili gyud siya malimot sa pagdala og ikagasa kanako.

Miabot ang usa ka dakong pagsuway sa among panag-uban human nga gi-assayn ang kompanya nila ni Ricky didto sa Basilan niadtong tuig 2001. Hilabihan kong hilak niadtong higayuna kay dii lagi ako buot nga mokuyog si Ricky. Apan wala akoy mahimo tungod kay kabahin man lagi sa iyang trabaho ug pagserbisyo isip usa ka sundalo.

Giantos ko ang tumang kamingaw ni Ricky ilabina nga giiulang kami sa dagko ug hataas nga kabukiran ug lapad ug lalom nga kalawran apan bisan pa man niana giwagtang ko na lamang ang akong kamingaw pinaagi sa pagsubli-subli sa pagbasa sa mga suwat nga iyang gipadala kanako.

Dunay mga higayon kuya nga pukawon ako sa usa ka damgo nga si Ricky nadisgrasya didto sa Basilan…sukad niadto daw sa gitugkan ako og kahadlok og simbako moabot kanang higayuna mag-unsa naman lang unya ko…mag-unsa na man lang unya ang among mahimong anak.

Dangtan og pipila ka bulan kuya gipahimugso ko ang among anak ni Ricky…unsa ka himsog nga batang lalaki…liwat ra ba gyud kaayo ni Ricky kuya…Human niadto gitwagan ko dayon si Ricky mahitungod sa pagkahimugso sa among anak….gani sa daw mabati pa nako kuya ang iyang kalipay samtang nagestoryahanay kami sa telepono…gani misaad pa siya nako niadtong higayuna kuya nga mo—leave siya human sa usa ka semana nila nga operasyon .

Tuod man nagpaabot ako kuya sa gisaad niya nga panahon sa iyang pagbalik….sayod ko kuya nga hilabiyan gyud kaayo niya ka-excited nga makita na ang among anak. Ingon man usab ako kuya gimingaw na kayo ako kaniya.

Sa petsa gyud nga moabot siya nagpaabot ako….apan wala may Ricky nga maibot hangtud nga mingitngit na lamang …wala gihapon moabot si Ricky kuya…daw sa wala usab ako makasabot niadtong higayuna …daw sa gikulbaan ako kuya…taod taod may nanoktok sa pultahan …dali ko dayon kining gibalihan sa pagtuo nga si Ricky na kadto…ug sa dihang akong gibuksan kuya …wala si Ricky…dili si Ricky ang naoktok…kon dili ang iyang inahan nga kalit lamang nga migakos kanako ug miadangoyngoy sa paghilak dungan sa pag-ingon nga wala na si Ricky….human nga nabati ko kadtong mga pulonga kuya….daw sa mingitngit ang akong palibot….

Sa pagkamatngon ko og buot human ako makuyapi…kuya una kong nakita ang akong ugangan nga nag-apong kanako….nga naghilak…dungan sa pag-ingon nga inaya-naya ko na lamang ang akong kaugalingon…tungod kay ….patay na si Ricky…patay na siya human maigo sa usa ka encounter nga nahitabo didto sa Basilan…wala ako makatingog sa akong nabati…apan inanay ko na lamang nabatyagan nga aduna nay luha nga nga nangambak gikan sa akong mga mata kuya….nakaingon ako kaniadto sa akon kaugalingon….nganong si Ricky pa man….nga misaad man unta siya kanako….ug sa among mga anak….kaingon ko ba kuya nga kalipay ang mosugat inigpauli na ni Ricky….apan puno man diay sa tumang kaguol ug kasakit…sa dihang gidala na sa among balay ang iyang patayng lawas ako kining gigakos kuya kuya dungan sa pagbungat sa mga pulong nga ngano man! Ngano man….

Sa pagkakaaron kuya ania nag-antos gihapon ako sa tumang kaguol kauban sa akong anak…nga maoy nahimong kabalin ni Ricky nganhi kanako….Ricky kon asa ka man karon…sayod ka gyud unsa ko ikaw kamahal…unsa ka namo kamahal sa imong anak…. Dinhi na lamang ako kutob….kaninyo matinahuron Beatrice….

NOBELA-Unang Gula

2007-08-18T00:59:00.000-07:00

Ayaw Ihikaw ang Pagmahal

sinulat ni Nep Batolenio

NAKATUTOK sa kapunawpunawan ang mga mata ni Mildred samtang nagbarog kini sa may balkonahe sa usa ka harianong panimalay nga nag-umbaw duol sa tin-aw nga suba.

Si Mildred usa ka maanyag nga dalaga nga nagpangidaron og 22 anyos ug solong anak nila ni Don Rafael ug Donya Margarita nga mao nagpanag-iya sa Hacienda Margarita.

Si Mildred nagtungha sa pagka-doktor didto sa Amerika apan mipauli kini sa Santa Barbara tungod kay gusto kini siya nga mopahulay una. Apan niining iyang pagpauli sa Hacienda daw sa aduna siyay gusto nga malimtan nga mga panghitabo sa iyang kinabuhi.

Nakatutok si Mildred sa hayag nga bulan samtang inanay usab nga naglugmaw ang mga luha sa iyang mga mata nga naglumba usab sa pagpangambak gikan sa lamurok niyang aping. Samtang ang panganod inanay nga misalimbong sa kahayag sa bulan daw sa miduyog usab sa kaguol nga gibati ni Mildred.

“Oy day nia ka pa man gud diay diri, wala pa man diay ka matulog,” pulong pang Otik nga mikalit man lang og tingog sa iyang luyo.

Dali nga nakapamahid si Mildred sa iyang mga luha dayon atubang ngadto ni Otik. Si Otik nga anaa sa pangidaron nga duolan na sa 50 nga may pagkaupawon na mao ang sinaligan nila sa ilang Hacienda kay ang iyang mga ginikanan atua naman sa Amerika nanimuyo.

“Ay noy..dili pa man gud ko katulgon.”

“Na sige day mouna na lang ko og katulog nimo kay sayo pa ra ba ko nga makigtagbo sa mga saop ugma,” tubag ni Otik nga dayon sad nga talikod.

Ang panganod nga mitabon kaganina sa bulan inanay kini nga nawiwi hinungdan nga mibalik ang kadan-ag niini nga miigo sa tin-aw kaayong tubig sa suba.

Ang katin-aw sa tubig sa suba daw sa nagpangamay kini ni Mildred. Hinungdan nga hinay siya nga minaog sa balkonahe padulong sa suba.

Inanay niya nga gihubo ang iyang gisul-ob nga daster hangtud nga wala na gyuy bisan gamay nga salimbong sa iyang lawas. Ang kaputi sa iyang lawas nga naigo sa dan-ag sa bulan ingon sa usa ka anghel nga minaog gikan sa langit. Ang iyang taas nga buhok nga daw sa nag-uban-uban sa huros sa hangin niadtong gabhiona.

Mihinay siya sa pag-ubog sa tubig hangtod nga nabasa na ang tibuok niyang lawas. Maklaro gihapon ang porma sa iyang lawas bisan anaa na siya sa tubig. Iyang gihilam-usan sa tubig ang iyang nawong dungan sa paghaploy sa iyang ngabil pakanaog sa iyang liog samtang iyang gipiyong ang iyang mga mata. Inanay niya nga gipakamang ang iyang mga kamot hangtod nga naabot siya sa kaluhang bukid sa iyang dughan. Ang mga bukid nga wala pa gayoy bisan usa nga nakaako sa pagkatkat niini. Inanay niya nga gipakanaog ang iyang kamot hangtod nga nahiabot kini sa iyang pusod.(SUMPAYAN PA)

Bin Laden nanglungkab sa Tangub

2007-08-16T21:01:00.000-07:00

TANGUB CITY—Gitumbok sa mga sakop sa kapolisan niining dakbayan si Bin Laden nga mao ang usa sa mga suspetsado nga nanglungkab sa gipuy-an sa usa ka babaye.

Sa imbestigasyon sa kapolisan nga wala nila makuha ang tinuod nga ngalan sa usa sa mga suspek apan nailhan lamang kini sa alyas nga Bin Laden nga milungkab ug nangawat sa panimalay sa usa ka Maricar Tortogo, 27 anyos ug lumolopyo sa Barangay mantic.

Nakuha sa grupo ni Bin Laden ang duha ka CD players, super MP3/DVD, duha ka adaptor ug fancy bracelet nga mibalor og P8,000.00

Sa follow-up investigation ug sa operasyon sa kapolisan nadakpan si Jhovell Mansueto, 18 anyos nga gitumbok nga usa sa mga suspetsado. Diin siya usab ang mitug-an nga iyang kauban si Bin Laden.

Sa pagkakaron gipangita pa sa mga sakop sa kapolisan kon asa na magtago si Bin Laden aron nga mapatubag kini sa salaod nga iyang nahimo.

Dolphy, patay na

2007-08-16T20:57:00.000-07:00

HIKABSAN sa iyang kinabuhi si Dolphy.

Dili ang komedyanteng si Dophy kon dili ang dolphin nga na rescue sa pipila ka mga mananagat sa Sibuco, Kolambogan, Lanao del Norte ug sa mga lumlihihok sa dxDD-AM ug Operation Tabang.

Ang Dolphin gidakop sa mga mananagat human nga ilang namatikdan nga aduna kini samad. Ang usa sa mga mananagat nga nakadakop nagngalan og Dolphy hinungdan nga gisunod na lang usab ang iyang ngalan nga gibunyag ngadto sa Dolphin.

Gani giasoy sa mananagat nga nakadakop nga mihilak pa ang maong dolphin.( Dili tungod kay gibunyagan og Dolphy tingali tungod kay nadakpan kini.)

Human nga makataho ngadto sa usa ka sakop sa militar ang mga nananagat dali dayon nga nakigdugtong sa dxDD-AM si Corporal Allan Pescones , 1st Civil Miltary Operations Unit, Philippine Army hinungdan nga gihikay dayon ang usa ka rescue operation ilabina nga adunay samad ang dolphin.

Pinaagi ni Fernando Dumanjug, station manager sa dxDD-AM ug sa mga kauban nakigdugtong usab dayon kini sa buhatan ni Misamis Occidental Governor Loreto Leo Ocampos aron sa pagluwas sa maong dolphin.

Gumikan niadto gipadala usab sa gobernador si Manoling Yap ang operations manager sa Misamis Occidental Aqua Marine Park (MOAP) aron sabutan ang pagluwas sa dolphin.

Gihatod sa grupo nila ni Pescones ang dolphin pinaagi sa pumpboat gikan sa Kolambogan padulang sa Cotta Beach sa Ozamiz diin gitagbo kini sa mga lumilihok sa dxDD-AM ug ni Yap.

Human niadto dali kini nga gidala sa MOAP ilabina nga adunay daghang binuhing dolphin usab sa maong dapit.

Gisaysay ni Yap nga adunay ganti nga madawat ang nakadakop sa dolphin kon kini mabuhi sulod sa usa ka semana nga pag-obserba.

Dali dayon nga gidapatan og tambal ang dolphin.

Labihan ang kalipay nila tungod kay lahi sa ubang dolphin nga madala sa MOAP dali kini nga misagol ug mikuyog sa panon sa pagpanglangoy.

Gumikan kay mikuyog man sa paghatod ang mananagat nga si Dolphy nahukman nga Dolphy na lang usab ang ingalan sa maong Dolphin ilbina nga ilang namatikdan nga laki usab kini.

Nagtuo usab ang lumilihok sa MOAP nga makalahutay gyud si Dolphy apan pagdangat sa tulo ka adlaw nakabsan kini sa kinabuhi gumikan usab sa laing samad niini sa iyang tiyan.
“Gidapatan baya gyud sa atong doctor og tambal apan wala naman gyud kini matabang,” saysay ni Yap.

Nagtuo ang mga nakadakop niini nga kon ang dolphin aduna kini kapikas nga si Zsazsa siguradong naguol gayud kini kon masayod nga patay na si Dolphy.

Unspoken Love

2007-08-15T23:01:00.001-07:00

(I found this letter along the highway in Manabay, Ozamiz City. I am posting this letter for the readers to know and value the importance of expressing one’s love before it’s too late.)

Hello,

This is a great love story, which shows how powerful love can get, yet people still try to control how they really feel. Pass this to the friends you love. Not tomorrow, not next week but TODAY! The next day might be too late for you to say it. It’s okay to be afraid but you have to tell them how you feel before it’s too late…you need to tell your friends and let them know how much you love them, that’s true friendship. Enjoy reading this!

I was there in the English class staring at the girl next to me. She was my so-called “best friend”. I stared at her long silky hair and I wish she were mine. But she didn’t notice me like that and I knew it. After class, she walked up to me and asked me for notes she had missed the day before. I handed it to her, she said “thanks” and gave me a kiss on the cheek. I want to tell her, I want her to know that I don’t want us to be just friends. I love her but I was too afraid and I don’t know why… Maybe I was just afraid that she doesn’t feel the same way before me.

11th grade, the phone rang, surprisingly it was her. She was crying, mumbling on and on about her love that broke her heart. She asked me to come over because she didn’t want to be alone, so I did. As I sat next to her on the sofa, I stared at her soft eyes, still wishing she were mine. After two hours, one Drew Barrymore movie and three bags of chips, she decided to go to sleep, she looked at me and said “thanks” and gave me a kiss on the cheek. I want her to know that I don’t want us to be just friends, I love her but I was too afraid, and I really don’t know why.

Senior year, the day before the prom, she walked up to my locker, “my date is sick”, she said. “He’s not going”, well I didn’t have a date, and in 7th grade, we made a promise that if neither of us had a dates, we would go together just as “best friends”. So we did. Prom night, after everything was over, I was standing at her doorstep; I stared at her as she smiled at me and stared at me with her crystal eyes. I want her to be mine. She didn’t see like that and I knew it. Then she said, “ I had the best time, thanks” and gave me a kiss on the cheek. I want her to know that I don’t want us to be just friends. I love her so much but I was too afraid and I really don’t know why.

A day passed, then a week, then a month. Before I could think, it was graduation day. I watched as her perfect body floated like an angel up on the stage to get her diploma. I wanted her to be mine but she didn’t see me like that, and I know it. Before everyone went home, she came to me in her smock hat and cried as I hugged her. Then she lifted her head from my shoulders and said, “ You’re my best friend, thank you so much” and gave me a kiss on the cheek. I want to tell her, I want her to know that I don’t want us to be just friends. I love her so much but I was too afraid and I really don’t know why.

I sat in the pews of the church. That girl was getting married. I watched and listened to her as she said, “yes, I do” and drove off to her new life, married to another man. I wanted her to be mine, but she didn’t see me like that and I know it. But before she drove away, she came to me and said “you came!” she said thanks and kissed me on the cheek. I want to tell her, I want her to know that I don’t want us to be just friends, I really love her so much but I was too afraid and I really don’t know why…

Years passed, I looked down to the coffin of a girl who used to be my “best friend”. At the service, they read a diary entry she had wrote, in her high school years. This was what I read.

“…I stared at him wishing he was mine, but he didn’t see me like that, and I know it. I want to tell him, I want him to know that I don’t want us to be just friends. I love him so much but I’m just too afraid to tell him and I don’t know why. I wish he would tell me that he loves me…!”

“ I wish I did it too…” I thought to my self and cried.

NOTE: Do your self a favor; tell him/her that you love him/her. Even if you don’t know how she’ll/he’ll react. Just let him/her know what you really feel for him/her, she/he won’t be there forever.

Asawa labaw pa sa bana

2007-08-15T01:41:00.000-07:00

GIYAWYAWAN sa Misis ni AFP chief of staff General Hermogenes Esperon ang mga pari sa Saint Ignatius Cathedral sa Camp Aguinaldo niadtong Dominggo, human wala mahisguti ang mga ngalan sa mga namatay nga mga sundalo sa Sulu.

Misulong si Lorna Esperon sa opisina ni Monsinyor Albero Sungco ug nangayo og pagpasabot kon nganong wala hinganli sa panahon sa misa ang mga ngalan sa napatay nga mga sundalo.

Wala mapugngi sa iyang mga amiga si Ginang Esperon sa dihang nagsugod kini sa pagpangasaba sa buhatan sa monsinyor.

Bisan gani sa AFP medical center diin nagsilbing civilian doctor si Ginang Esperon, mipakita usab kini sa iyang dili maayong taras o dautang kinaiya nga labaw pa sa 5 star general kon mao nay manugo.

Buot ni Ginang Esperon nga tawgon siya sa sulod sa maong tambalanan nga Doctor Madam Esperon isip daw respito sa iyang bana nga overall commander sa tanan nga mga military units.

Kini nga matang sa pamatasan ni Ginang Esperon sama kini sa usa ka langaw nga sa dihang nakatungtung sa buko-buko sa usa ka Kabaw nagtuo sad siya nga Kabaw siya.

Hinuon kini nga taras, wala mag-inusara si Ginang Esperon dunay daghan sab niini. Sama pananglitan sa usa ka asawa sa barangay Kapitan nga mao na hinuon ang magbuot sa usa ka barangay. Wala nila hunahunaa asa kutob ang ilang utlanan.

Duna poy uban nga bisan ang bana ra ang mayor ang asawa kon molihok labaw pa gani sa mayor.

Kining mga tawhana sama sa adunay sakit nga piniling pagkalimot kon sa Ingles pa ‘selective amnesia’. Nakalimot sila kon si kinsa sila. Sama gud sa akong giingon sa unahan nga sama sa langaw nga nakatungtong sa likod sa Kabaw.

Ingon ninana gyud tingali kanang mga tawo nga sa sobrang tagay sa gahom ug salapi…gibati na sila sa ilang kahubog! Tsk!Tsk!Tsk!

Mokatawa ta!

2007-08-14T02:35:00.000-07:00

MOTHER: Anak! nagdugo imong tudlo! ari diri be kay atong supsupon!
[tsup..tsup. .] O wala na. Asa man ka nasamad anak?
ANAK: Wala man ko masamad MA oi! Giirok ra man nako ang KUTO sa atong IRO.

-----------------------------------------------------------------------------------

Bungi niuli sa ila ug gitabunan niya ang mata sa iyang asawa...

BUNGI: Nges hu??
ASAWA: Pa - nges hu nges hu pa ka diha
ikaw ray bungi dinhi sa atong balay, kinsa pa man diay?!

------------------------------------------------------------------------------------

ANAK: Nay, nag tambling tambling
gud mi sa eskul ganina..
NANAY: Di ba ingon man ko ayaw
pag tambling-tambling kay makita imong panty?
ANAK: Gisulod man nako sa Bag akong Panty Nay..

-------------------------------------------------------------------------------------

Tulo ka kumare ang nag-istorya. ..

Mare1: Sus, ako mare pwerte gyud nako ka limtanon kay ang akong pustiso
ako man gisud sa ref.

Mare2: Ay wala ra ka nako mare. Mas limtanon pa ko nimo kay kon moagi
gani ko sa hagdan, inig abot nako sa tunga-tunga makalimot ko kon pasaka
ba ko o panaog.

Mare3: (Dang pangyam-id) Sus, ako mga mare, simbako lang gyud (dang tuktok
sa bungbong as in 'knock-on-wood' effect) di ra gyud pod ko intawon
limtanon! (Dayong talikod) Kadyot usa mga mare ha, kay ako usang ablihan
ang pultahan kay naay nanuktok.

---------------------------------------------------------------------------------

Anak: nay buntis ko.. lipong ko..
Nay: dili ka buntis!
Anak: kasukaon ko nay..
Nay: dili lagi ka buntis!
Anak: gusto ko aslum..
Nay: animal kang bayota ka!! kumuton ko nang itlog nimo karon!!

Hahahahahahahahaha!!!!!!Buwahahahahahahahahahaha!!!!!

----------------------------------------------------------------------------------

Kabayoon og nawong

2007-08-14T01:53:00.000-07:00

Nagreklamo ang unggoy sa kalasangan,
Unsaon wala na silay kapuy-an;
Gipamutol man gud ang kakahuyan,
Illegal logging kaingin ang daghan.

Mao nga nagpatwag og meeting,
Ang hari-hari sa mga unggoy darling;
Unsaon sa pagsulbad ang maong problem,
Sugesstion kinahanglan ang tree planting.

Siempre mga tawo ang mohimo,
Kay sila man ang nagpuo;
Kalasangan ilang giupawan,
Dapat sila ang magbayad lamang.

Nasuko ang usa ka unggoy,
Kay lagi-giataki sa hutoy;
Kanunay man gud siya makahanggab og aso,
Nga gikan sa kaingin kuno.

Laing unggoy mireklamo,
Sa sampot gitugkan og hubaghubag kuno;
Unsaon sige man siya kakuratan sa buto-buto,
Sa mga nangayam og hayop pare ko.

Usa ka unggoy mireklamo sa iyang piang,
Kay sa kahaoy nahagbung natikangkang;
Unsaon samtang siya ay natulog,
Giputol ang kahaoy siya nahulog.

Pero miingon ang usa ka momoy,
Dili ba ang tawo gikan sa unggoy;
Mingon ang usa dili nato sila igsoon,
Kay duna man lagi tawo nga kabayoon og nawong.

Filipino Time

2007-08-13T01:11:00.000-07:00

Makadaghan na kita makadungog sa giingon nga Filipino Time. Ang pangutana karon asa man diay gasungod kanang Filipino Time? Unsa man diay kanang Filipino Time?

Sagad nga atong mabati nga ang Filipino Time mao kanang ulahi na moadto sa sabot. Sama pananglit ang meeting gikatakda og alas otso sa buntag apan moabot ka og alas diyes sa buntag ingnon dayon ka nga Filipino Time ang imong gisunod.

Kon ikaw makigsabot sa imong hinigugma nga mamisita ka og mga alas otso sa gabii (sakat sa panihapon) apan moabot ka og mga alas dies mao kana ang gitawag nga Filipino Time.

Kon magsabot gani nga alas otso ang meeting moabot og alas otso mao kana ang exact time kon American Time apan kon dili na gyud moabot mao kana ang Indian Time. Asa man pud diay nagsugod ang Indian ug American Time? (Ahhh…sunod na, Filipino Time lang sa ang atong hisgutan).

Sa pagkatinuod lang ang kanunay nga ma-late o maulahi sa sabot dili kana matawag nga Filipino Time mao kana ang Spanish Time. Ato lamang napanunod ang batasan sa mga Espanyol nga miulipon kanato sulod sa 333 ka tuig.

Dili ba nga ang mga Espanyol hilig kayo sa mañana habit? Hilig sila sa ugma-ugma ug unya-unya. Sa ato pa nakuha sa mga Pilipino ang batasan nga sigi og kaulahi sa sabot gikan sa mga Espanyol. Kon mao kana ang Filipino Time nga ilang giingon dili tinuod nga Filipino Time kon dili Spanish Time.

Ang Filipino Time, mao kana ang advance time. Kon ang meeting alas otso moabot og alas sais mao kana ang tinuod nga Filipino Time.

Asa man ka kakita og mga tawo nga alas kuwatro pa sa kaadlawon tua na sa umahan? Dili ba sa mga Filipino lang. Dili pa kasilang ang adlaw nagtrabaho na sa umahan. Dili ba advance ug ang mga Filipino lamang ang anaa niana.

Kon atong suhiron mao kini: Kon husto sa oras mao kana ang American Time, kon dili maoabot mao kana ang Indian Time ug advance Filipino Time.

Ang Filipino kanunay nga advance. Kon maminyo buros nang daan. O dili ba advance?

PANGABUGHO

2007-08-10T22:32:00.000-07:00

Gibati ako og pangabugho nianang dakong bukid,
Ang tumoy daw sa panganod mibag-id;
Nakighagwa kini sa raya nianang adlaw,
Nasayod tingali siya nga ako nagtuaw.

Nasina ako sa iyang gihabugon,
Nga sa matag-adlaw sa panganod makigloon;
Nasayod tingali siya nga ako gimingaw,
Diin kutob na lamang ako sa panghupaw.

Hambogiro ra kaayong tan-awon kanang bukira,
Tingali nagtuo nga wala nay makabuntog pa;
Iya akong gipaibog sa iyang kahimtang,
Ilabina nga sa iyang tan-aw ang nagbangutan.

Dili unta ako mangabugho nianang bukira,
Kon sa akong kiliran ania ka ra;
Kay kon siya sa panganod makigloon,
Ako imong bilangguon sa mga bukton.

Kon sa akong dughan duol ka pa,
Dili unta ako masina nianang bukira;
Kay kon siya sa panganod mobag-id,
Ikaw usab sa akong mga luha mopahid.

Kon ani ka pa lamang sa akong kiliran,
Kanang bukira ako gayong singgitan;
Aron siya na usab ang kanako masina,
Nga nagsapnay ako sa akong hinigugma.

Apan dili ako makasukmat kaniya,
Kay halayo ka man akong hinigugma;
Mao nga piyungon ko na lang ang mga mata,
Aron nianang bukid dili ako masina.

MGA BULAK NADAWAT KO KARON

2007-08-09T23:36:00.000-07:00

Mga bulak nadawat ko karon
Bisan dili akong adlawang natawhan o adlawng bilihon.
Sa unang higayon nagsumpaki kami kagabii
Gisakitan ako sa daotang pulong nga gibuhian niini,
Sa iyang nahimo nasayod ako nga pagbasol ang iyang naangkon,
Tungod kay gipadal-an ako og mga bulak karon.

Mga bulak nadawat ko karon,
Bisan dili among anibersaryo o adlawng bilihon.
Kagabii sa bongbong giparok ug gituok ako,
Daw sama sa usa ka daotang damgo,
Dili ako makatuo nga kadto nahitabo,
Sa akong pagmata kalawasan ko sa bun-og napuno,
Kaniya pagbasol gayud ang naangkon,
Tungod kay gipadal-an ako og mga bulak karon.

Mga bulak nadawat ko karon,
Bisan dili adlaw sa mga Inahan o adlaw nga bilihon.
Kagabii siya midagmal kanako
Labaw pa sa unang mga panghitabo.

Kon siya akong biyaan,
Angay nga himoon ko unsa man?
Sa mga anak pagmatuto unsaon ko man?

Unsa naman unya ang salapi?
Nahadlok ako kaniya ug nalisang mobiya niini.
Apan ako nasayod nga pagbasol ang iyang naangkon,
Tungod kay gipadal-an ako og mga bulak karon.

Mga bulak nadawat ko karon,
Karon ang adlaw nga bilihon.
Adlaw karon sa akong haya ug pagbangutan.
Kagabii, sa kinabuhi ako gihunosan.
Gibun-og ako hangtud sa kinabuhi nabugtuan.

Sa kaisog ug kusog sa pagbiya kaniya,
Ako unta nakabaton;
Mga bulak dili ko unta madawat karon.

Unta

2007-08-09T23:25:00.000-07:00

Kon ang imong pagbiya,
sama pa lamang unta sa paghunas sa dagat;
diin mga gapnod ray mahisayla ug mahibilin sa kabaybayonan,
ug mga lama ra sa iyang paglantong ang mamilit sa nawiling lapyahan;
Dili una ako mohilak, pinangga…

Ug kon ang imong pagbiya,
ingon pa lamang unta sa pagsalop sa adlaw;
nga ang mga raya ra sa kahayag ang gipanghipos sa
kapunawpunawan,
nga gilaksi sa samarang dughan sa kahapunon,
dili unta ako mag-usik sa akong mga luha…

Apan ang imo kanako nga pagbiya,
usa ka dako kaayo nga trahedya;
kay mga saad ug panumpa man ang gilangko mo niining dughan,
mga bitoon sa akong langit imong gisakmit…

Ug mga alikabo sa handumanan na lang,
ang gibilin mo niining nagbakho;
ug nagbangutan ko nga lapyahan!

Kining Tinalikdan

2007-08-09T02:34:00.000-07:00

LALAKE:
Unsa bay nabuhat ko,
Nga gipaantos ug gilutos mo ako;
Unta ikaw man ang akong gipakamutya,
Sa akong kasingkasing ikaw ra ang hara.

Ngano man intawon nga gugma ko imong gibiyaan?
Taliwala sa kadako sa akong pagmahal o akong hinalaran;
Unsa bay sala nga akong nabuhat kanimo pinalangga,
NGa ikaw man unta ang akong gipakamutya.

Wala ka nab a diay kalooy kanako,
NGa ania nakahilak ug nagabakho;
Asa naman diay ang kainit sa imong pagmahal,
Nga imo man hinuon akong gipakitaan sa dagmal.

BABAYE:
Pasayloa ako kon mao kini ang akong nakab-ot nga hukom,
Nga sa gugma mo ako dili na makigloon;
Ambot lang kon tuohan mo ba kaha ako,
Nga nawala na ang akong gugma nganha kanimo.

LALAKE:
Nalimot ka na ba diay sa gugmang atong gisaw-an?
Giwala mo na ba sa imong panumduman ang tanan,
Gani kaniadto bisan anino ko buot mo nga masud-ong,
Aron magmalipayon ang gugma mong nagmasulob-on.

Wala ikaw kanako magsulti sa matuod,
Anaa pa gihapon ang pagmahal mo ako nasayod;
Busa ayaw ako patuoha sa bakak mong mga pulong,
Kay ang imong mga mata kanako dili makalilong.

BABAYE:
Sublion ko pasayloa ako sa akong pagbudhi kanimo,
Apan mao kana ang matuod nawala na ang gugma ko;
Inanay na nga napapas ang imong panumduman,
Dinhi ilalom sa akong dughan.

LALAKE:
Unsa bay ipasabot sa pagtulo sa imong mga luha?
Ttimaan ba kana nga walay sambog bakak ang
Tana mong mga pulong?
Sayod ako nga walay kamatuoran ang tanan,
Gumikan sa mga luha nga naglumba sa pagpangambak sa
Imong mga mata…

Busa sultihi ako unsay hinungdan,
Nga kanako ikaw man motaliwan;
Bisan kon sakit andam ko na lang kining dawaton,
Bisan kining kasing-kasing nagmasulob-on.

BABAYE:
Dili ko na unta ikaw buot pang sultihan niini,
Apan mamugos ka man gayod…wala akoy mahimo;
Pasayloa ako…aduna nay kinabuhi nga nagpitik sa akong sabakan!
Sa laing lalake..ipakasal ako sa akong mga ginikanan…

LALAKE:
Apan ako kanang anak nga anaa sa imong sabakan,
Ako ang tag-iya nianang bata sa imong taguangkan;
Apan ngano man nga sa laing binuhat ikaw ipauban,
Ako man ang adunay dakong katungdanan.

BABAYE:
Dili buot nila ni papa nga ikaw ang mahimong amahan,
Niining bata nga ania sa akong sabakan;
Tungod kay aduna na silay napilian alang kanako,
Hinungdan nga manamilit na lamang ako…
.

LALAKE:
Atua na siya dili ko na maklaro ang iyang bayhon,
Gumikan ba kay usa lamang ako ka ulipon;
Wala ba diay akoy katungod nga mahigugma,
NGa kasingkasing ko kanunay nga samaran.

Apan ayaw kabalaka kay ako magapabot kanimo,
Bisan hangtud sa kahangturan;
Bisan hangtud pa sa lubnganan,
Magahulat gihapon kining tinalikdan.

Unos sa kapakyasan

2007-07-24T03:45:00.000-07:00

Nahugno ang akong paglaum,
Pagkahanaw sa imong pahiyom;
Human gidagit sa kapakyas,
Pangindahay sa luha gibanlas.

Kon pupoon kong bituon sa langit,
Ug hagpaton ang ilang kahayag;
Dili na makaalim sa kasakit,
Nga nahiagoman niining kalag.

Kalit mo lang akong gitalikdan,
Hinungdan sa akong kagul-anan;
Ang mga saad tang gipanumpaan,
Napukan sa unos sa kapakyasan.

Asa ko kaha ikaw pangitaa karon,
Aron ibalik ang atong kagahapon;
Gihandom ko ang imong bayhon,
Bisan sa halawom kong katulogon.

Daw mabuang ako sa paghanduraw,
Gisanapan na sa tumang kahidlaw;
Buot kong luparon ang kahitas-an,
Ug didto pangitaon ang imong larawan.

Kon mahandom ko na ang kaagi,
Nga puno sa kalipay atong naani;
Sa pagtuo ang tanan way katapusan,
Apan sa daklit imo akong gibiyaan.

Paabuton ko ang imong pagbalik,
Ipison pag usab ang alak sa gugma;
Ang lawas mong maayong pagkalalik,
Lumsan ko sa tumang pag-amoma.

Kamandag sa pagkamaluibon

2007-07-24T03:38:00.000-07:00

Wala na akoy tinguha nga banhawon pa ang mga tunob sa atong kagahapon,
Kay mawiwi lamang ang mga samad sa handumanang masulob-on;
Apan ang makahilo ug matintalon mo nga pahiyom ang nakakabig niining handurawan,

Hinungdan nga gisuyop sa baba sa paghandum ang atong mga handumanan.

Karon igo na lamang ako sa paghandum kanimo pinangga,
Sanglit wala nay kasigurohan nga matuman pa ang gilaraw nga mga panumpa;
Kay gidulaan sa kapakyasan ang atong mga saad,
Hinungdan nga naulipon sa kasub-anan kining alaot walay palad.

Sapnayon ko na lamang kining masakit nga yugto sa akong pagkapukan,
Sanglit kay kini man ang gisubay nga dalan sa akong kapalaran;
Ug kadtong nabugto nga talikala sa gugma ta nga gisaluhan,
Himuon na lamang natong handumanan kadtong dugosnong katam-is sa atong panag-uban.

Ipanghinaot ko na lang nga sa laing mga bukton ikaw magmalipayon,
Ug pasagdi kining binuhat nga nagbakho, nagsapupo sa napusgay nga paglaum;
Kay wala nay kahigayunan nga mahibalik pa ang dugusnong katam-is sa atong kagahapon,
Busa igo na lamang ako sa pagpatulo sa lusok sa mga luha nga walay pagtang-on.

Giayran ko nga makita ko pa ang mabudhion mong larawan,
Kay ang kalala sa kamandag sa imong pagkamaluibon nagngulngol niining dughan;
Apan dili kalikayan nga makita ko ikaw sa akong paghnaduraw,
Hinungdan nga mosakdop niining panumduman ang suwab sa kamingaw.

Apan wala nay luna nga masumpay pa ang nahagtos nga kuldas sa atong kagahapon,
Kay nagapos kana sa malign-on nga bagon sa kamainyoon;
Busa paminawa na lang kining inagulo sa kasingkasing ko nga nagbangutan,
Nga nalusaklusak sa maidlot nga bangkaw sa mapintas nga kapakyasan.

Daw dili ko na maantos ang mga kasakit niining nagbangutan kong balatian,
Kayn ang kalala sa kamandag sa imong pagkamaluibon moduaw sa akong handurawan;
Nga bisan sa takna sa tungang gabii sa nagmalinawon ko nga katulogon,
Kanunay nga hamukon sa damgo’g daman sa larawan mong bakakon ug maluibon.

Ug tungod kay dili ko buot nga mahilo sa kala’a sa kamandag sa imong pagkamaluibon,
Busa kining dapit ako usang talikdan kay dili ko na maantos ang kangulngol sa dughan kong masulob-on;

Ohh..

Ako manamilit ug dili na mobalik nining dapit nga nagdalit kanako’g kasakit,
Sa pamasin nga niining akong pagtaliwan maalim ug mahupay kining kasingkasing nga nagpang-it sa tumang kasakit ug makaplagan ko ang himayang langit.

Giitos sa panahon

2007-07-19T23:52:00.000-07:00

Panahon sa lawom nga kagabhion,
Mopukaw ikaw sa akong katulogon;
Ang panagway mo’ng mapahiyumon,
Nagsud-ong kanako’ng nagmasulob-on.

Larawan mo lang igo na kaayo kanako,
Nga makalipay sa dughan ko nga nagsubo;
Apan sa pag-itos sa panahon,
Kasingkasing mo na ang gusto ko nga maangkon.

Ngano nga dili na ako makontento,
Sa paghandom lamang kanimo?
Galibog kining rabanit ko’ng kasingkasing,
Nganong sa gugma mo ako namasin.

Gani wala ako masayod karon,
Unsa ang angay ko nga pagabuhaton;
Ikaw man gyud kanunay ang mahandom,
Bisan ikaw sa panumduman gusto ko nga papason.

Nangayo ako karon sa imong pasaylo,
Giisip ko nga pangahas ang pagbati ko;
Gipangayo ko lang nga dili ka mopahilayo kanako,
Aron kasingkasing ko dili gayud magsubo.

MARIE

2007-07-19T23:44:00.000-07:00

Mga dili makalimtang inosenting pahiyom,
Nga diin nagtali og mga sugilanon;
Luyo niining tanan ikaw usa ka manulonda,
Nga sa pulihay ikaw gipakamutya.

Ang kalantip sa imong pangisip ug salabutan,
Angay ampingan tungod kay gasa sa kahitas-an;
Bulahan siya nga nagdala kanimo sa kalibotan,
Tiglig-on ikaw sa mga gikapuyan.

Rason usahay ang mga suliran,
Ikaw sa pagtagad makalimtan;
Apan bisan pa man nianang tanan,
Kanimo nagmahal hilabihan ka daghan.

Iwag ka sa mangitngit nga kadalanan,
Aron kining mga lakang ug tunob nga daw gikapuyan;
Dili mahitakilpo ug mapandol sa kaalautan,
Ikaw kanunay dili mawala sa panumduman.

Esmeralda ug diamante dili kanimo ikabaylo,
Tungod kay ikaw ang awit sa masulob-ong damgo;
Ikaw ang yamog sa sayong kabuntagon,
Diin naghulat ang usa ka dakong paglaom.

Unta

2007-07-19T15:50:00.000-07:00

Gugma nga gitago

2007-07-19T15:30:00.000-07:00

Gitun-an ko ang akong kaugalingon,
Nga sa imong kaanyag ang mga mata pagapiyongon;
Kay dili ako buot nga mogitib ang gugma nga puno sa pagmahay,
Nga mao unya’y mopakgang sa imong kalipay.

Nakita ko sa imong panagway,
Ang imong tumang kalipay;
Nabalaka ako kon masayod ikaw niini,
Mapulihan sa kaguol ang imong pagbati.

Ang imong kalipay sa laing mga kiliran,
Sama sa mga udyong nga mitama sa akong duhan;
Hinungdan nga buot ko ikaw nga likayan,
Kay dili ako gusto nga maghilak na lamang.

Apan unsa bay bertud nga imong nahuptan,
Nga bisan sa akong higdaanan;
Nagapangablit man sa nagduhiraw ko nga kaisipan,
Mga luha nangatakag sa akong mga mata nga dili mamatikdan?

Ang kasing-kasing kanunay nga samaran,
Sa dihang ikaw akong pagalikayan;
Kon makita ko usab ikaw masakitan lamang kining dughan,
Kon isugid mo ang kalipay mo sa laing kiliran.

Sayod ako nga sa kaanyag mo may nagpanag-iya na,
Apan pasayloa nga gikasubo ko kana;
Tungod kay mipitik kining kasingkasing kanimo,
Busa pasayloa intawon ako.

Kon moabot man ugaling ang higayon,
Nga ikaw isalikway sa laing mga bukton;
Ania ako andam sa pagsapupo kanimo,
Bisan hangtod sa katapusang gutlo.