DUHA ka tuig pa kapin sa dili pa ang 2010 presidential elections, apan karon klaro na nga kon si kinsa ang mga kandidato nga gustong motugpo sa ilang kalo ngadto sa arena sa politika alang sa pagka-presidente.
Sumala pa sa uban nga maayo nang sayo aron makapanukad nang daan—hinayhinay na og kamas ang mga presidentiables.
Naa na sila Senate Presidente Manny Villar, Senador Mar Roxas, Loren Legarda, Chiz Escudero.
Gani si Legarda sa iyang pagbisita niadtong nakalabay nga semana sa Tangub City mipadayag naman nga modagan siya pagka-presidente hinuon dunay kondisyon basta kanunay siya nga mag-una sa survey.
Si senador Ping Lacson sad bisan og nakasuway na og mumo sa nakalabay nga pagpapili pagka-pangulo dili gihapon motagam, aw basin diay og suwertehon na niining higayona.
Karong bag-o miluaw sad ang ngalan ni Vice-president Noli de Castro nga mora og nanayming pa ug sa sabong pa sa manok nagpabalaw. Hinuon gamay na lang gud puy kulang usa ka tikang nalang pud nang iya. Unya misalga pod sila si Senador Richard Gordon, MMDA Chairman Bayani Fernando, Makati Mayor Jejomar Binay ug Defense Secretary Gilbert Teodoro.
Dayon samot nga mora og makalibog sa dihang mipakita og tinguha si napalagpot nga Presidente Joseph Estrada nga modagan sa baron daw mahiusa ang oposisyon. Unsa? Napalagpot ni siya tungod sa pagpanurakot diin nakombikto kini.
Kon buot hunahunaon, di na kinahanglang hiusaon pa ang oposisyon aron makadaog karong 2010.
Pulos mga oposisyon ang mamuntos tungod sa mga isyo batok kang Presidente Arroyo.
Apan ang kataw-anan kay misalga man sad si kanhi Presidente Fidel Ramos kay kon moadagan si Erap aw iya pud kining atbangan. Unsaaaaa? Wala mo kuyapi?
Klaro man sa Konstitusiyon nga ang mga nahimong presidente wala namay re-election ambot ba nganong mamugos man gyud.
Sa mga ngalan nga milutaw wala pa gyuy gitawag nga ‘presidential timber’ kana bang dakong torso nga dili gyud mapiog. Kon kini sila managan aw…nindot gyud ang kombate. Kini sila tanan mga ‘presidential toothpick’ pa lang.
2 comments:
kon karon ang eleksiyon si Villar ang akong pilion.
Bai Nep, naa diay advocacy si Janette Toral para active participation sa mga blogger sa 2010 elections. Dili na man gyod nato na malikayan moabot man gyod ang 2010. Kana kung naa pay eleksiyon. Pero mura'g naa gyod. Hehehe. Kung karon ang eleksiyon si Roxas akong pilion. pero kung ugma, posible si manny villar.
bisitahi nya ni bai:
http://gervacio.wordpress.com/2008/02/08/narco-politics-and-the-2010-elections/
http://gervacio.wordpress.com/philippine-elections-monitor/
Post a Comment