NAKAHUNAHUNA ko og sulat niini sa dihang nabasa nako sa blog ni Batang Buotan ang mahitungod sa pag-awhag sa iyang mga amigo nga paminyoon na kini. Nagtuo ko nga ako ra ang daw sa nabungol na sa maong awhag. Maayo gani tong iyaha nga ingon lang siya nga "Kanus-a ka ba magminyo?" Ang ako kay aduna may pakapin "Pagminyo na, tiguwang kana!" usahay dungagan pa gyud "Na mabiyaan ka gyud sa tren," "Dili gyud ka kakita sa imong liwat."
Bation ba nako nga gisunhan naman tingali sila sa akong dagway nga usa ko ka ulitawo. Mao nga mitan-aw ko sa samin dili pa baya pud ko tingulang nga ingnon ko nila nga paminyoon na. Usahay gamiton na lang nako ang tubag sa uban nga "May man og lumba nang kaminyoon."
Apan ang maong tubag daw nagbilin baya pod og gamay nga kusi sa akong kasingkasing nga makaingon ko sa akong kaugalingon nga basin tinuod ang ilang giingon.
Sa makadaghan na nako kini nga madungog gikan sa mga hamtong nga ang kaminyoon dili sama sa kan-on nga imong gihungit ug sa dihang nainitan ka mahimo nimo kini nga iluwa. Sa pagktinuod ang kaminyuon giplano kana tungod kay kaugmaon ang nakataya niini. Adunay daghan nga batan-on pa nga nagminyo apan nagkaletse-letse ang pamuyo. Hinuon dili tanan apan kadaghanan. Kana ang hinungdan sa dili maayo nga pagkaplano sa pamilya.
Kon magminyo man ako dili tungod kay nabungol nako sa daghan na nga awhag sa akong mga higala ug mga kaila. Apan magminyo ako tungod kay gusto nako--tungod kay nahigugma ko sa babaye nga takos sa akong pagmahal nga mahimong akong asawa hangtud sa kahangturan.
Ang dinalidali nga pagminyo man ugod sama ba sa usa ka pagpanglaba nga gidali-dali nga wala maayong pagkakuso nga miresulta nga makita lang gihapon ang buling. Apan ko maayo nga pagkakuso ug pagkalatag ang resulta klaro ang kaputi ug ang kahinlo.
Daghan usab ang mga rason ngano nga ang uban wala magdali-dali ngadto sa kaminyuon dili kay nahadlok sa responsabilidad apan tingali aduna pay misyon nga gituman. Sama kanako dili mahimong magminyo ko nga dili nako maplastar ang akong mga igsuon nga nagsalig kanako. Tungod lagi kay sayo kami nga gibiyaan sa among mga ginikanan sa dihang giganoy sila sa kamatayon.
Isip kinamagulangan nga anak sa siyam ka managsuon ania kanako ang bug-at nga responsiblidad. Hinungdan nga palabihon ko una sila nga makabaton og maayong ugma kay sa akong kalipay.
Isakripisyo ko ang akong kaugalingon nga kalipay tungod nila. Lisod nga magmugna ko og pamilya apan nagbilin ako og mga nagun-ob nga kaugmaon nga gisangon kanako sa mipanaw na nga mga ginikanan.
Samtang ang tinuod nga gugma usab makapaabot kana kanako. "True love waits".
5 comments:
Mas pait para namong mga baye, at least kung laki ka, di ra ing-ana ka frequent ang pagpanungog ug ang pagpangutana. In family gatherings, ang mga babaye man ang pangutan-on pirme ug tagaan pa gyud anang look ba that says, kaluoy sad nimo day oi, unsa man, pangitaan na tikag ka-chat o penpal? And that's even if you're in some relationship. Oh well, ok ra na pre. Sakto man ka, di man na lumba. Sa madasmag lang!
Walay kalainan ang babaye ug lalaki oy. Tinuod na kay bisan gani nga naglubong mi sa akong lola diin nagkita kami nga mga paryente sagad sa mga pangutana...asa man imong asawa? Ay ang akong tubag Hapit Na! Nakaka-pressured sila pa. Pero usa lang ang akong naesguro nga dili ko magminyo tungod sa pressure...apan tungod kay gusto nako....
hehe. dapat lang. pero diri sa ato, mas dako lagi ang pressure sa babaye. at least ang guys, labi nag naay trabaho, they get hotter kuno when they get older nga single. and kung tua kag US, mas cool man ang older, single men.
pero bitaw, dapat dili man tungod sa pressure ang kaminyoon. usahay, di man gani sya tungod sa gugma. usa na sya ka desisyon nga imong dapat siguraduhon kung kaya na ba nimong buhaton ug barugan.
it gets awkward in family gatherings pero problema na nas gaproblema for you! hehe.
ang akong hinigugma kaniadto ang nagpas-an ug grabe nga pressure kay bisan sa simbahan, sa school, sa balay ug sa panagtapoktapok sa mga kaparentihan naa gyod ang kulit nga "kanus-a pa man mo magpakasal?" pahiyom lang intawon ang among tubag kay lisod na kung magbuhi ug mga pulong. bisan karon nga nasayod sila nga amo usa nga gipadaplin ang among relasyon aron atubngon una ang tagsatagsa ka responsibilidad sa kinabuhi, anaa gihapon sila, nagsigi ug singgit nga paminyoon na lagi. sama nimo nep, dili ko magminyo tungod lang sa pressure.. magminyo ko tungod sa gugma ug tungod kay andam na ko.
dili pa bitaw ta senior citizen.. ehhee.. ambot lang!
Ang akong tambag ninyong mga ulitawo ug dalaga nga dili una kamo magminyo. andamon una ninyo ang inyong kaugalingon. Usa sa mga andamon mao ang mahitungod sa panalapi. magtigom una kamo. unya dili lang magdeposito og kuwarta sa bangko as savings account. Kinahanglan i-invest ninyong kuwarta sa life insurance. ang life insurance usa ka paagi sa pagtigom sa kuwarta aron dili buhisan. ang buhis sa savings sa bangko mas dako pa sa tubo niini matag tuig. paspas ang tubo sa imong kuwarta sa life insurance nga mahimong moabot og dose porsiyento kada tuig. pagtigom , nep, kay ang kabaskog sa lawas dili permanente.
Post a Comment